WEKELO 76
Yeso ambɛdia tɛmpɛlɔ
Lo eleko kamɔnga akatshi ka l’ɔnɔnyi 30 T.D., Yeso akatshu otsha la Jɛrusalɛma. Anto efula wakaye l’osomba ɔsɔ lo fɛtɛ k’Elekanelo. Lo fɛtɛ kɛsɔ, vɔ wakalambolaka waa nyama lo tɛmpɛlɔ. Anto amɔtshi wakaye la nyama yawɔ vɔamɛ, koko akina wakayoyisomba la Jɛrusalɛma.
Etena kakatshu Yeso lo tɛmpɛlɔ, nde akɛnyi anto wasondja waa nyama lɔkɔ. Vɔ wakandaka okanda lo luudu l’ɔtɛmwɛlɔ laki Jehowa. Kakɔna kakasale Yeso? Nde akasale lofimbɔ ndo akatondja ɛkɔkɔ la waa ngɔmbɛ oma lo tɛmpɛlɔ. Nde akasokola mɛsa w’amengodi wa falanga ndo akatshola falanga yawɔ y’ekanga la nkɛtɛ. Yeso akatɛ wanɛ wakasondjaka tokudumba ate: ‘Nyonya diangɔ nɛ oma lanɛ! Takonyetɛ luudu la Papa luudu l’okanda!’
Anto waki lo tɛmpɛlɔ wakaambe l’ɔtɛ wa kɛnɛ kakasale Yeso. Ambeki ande wakohɔ prɔfɛsiya kendana la Mɛsiya kakataka ɔnɛ: ‘Layonga l’ohetoheto w’efula dikambo dia luudu laki Jehowa.’
L’ɔkɔngɔ diko, l’ɔnɔnyi wa 33 T.D., Yeso akɛdia tɛmpɛlɔ mbala ka hende. Nde kombetawɔ dia kaanga onto ɔtɔi mɔnyɔla luudu la She.
“Nyu hanyokoke kambɛ Nzambi la falanga olimu.”—Luka 16:13
Enda ndo lo...
YESO EKƆ MBOKA, MƐTƐ NDO LƆSƐNƆ
Yeso ambɛnya ohetoheto l’ɔtɛmwɛlɔ wa mɛtɛ
Ɛlɛmbɛ wa Nzambi waketawɔka dia anto nsomba nyama la Jɛrusalɛma dia nambola olambo, ko lande na kakomalɛ Yeso amundji w’okanda lo tɛmpɛlɔ?
KOMA ƆNGƐNYI WA JEHOWA
Lɛmiyaka luudu la Jehowa
Ngande wakokɛ mɛnya dia wɛ nɛmiyaka luudu la Jehowa l’ɔtɛmwɛlɔ?
