XCHANOBIL 76
La xchʼuba templo li Jesuse
Kʼalal tetik van ta yuilal avril ta sjabilal 30, li Jesuse bat ta Jerusalen. Ep buchʼutik te batemik yuʼun tspasik li kʼin Koltaele. Li ta kʼin taje chichʼik batel xchonbolomik sventa xakʼik ta smoton Dios li ta temploe, pe li yantike te chkʼot tsmanik ta Jerusalen.
Kʼalal kʼot ta templo li Jesuse, laj yil ti te chchonik chonbolometik junantik krixchanoetike. Yuʼun yakal tspasik ta chʼivit li sna Jeova ti jaʼ sventa yichʼobil ta mukʼe, ¿kʼusi van ta spas li Jesuse? La stsʼot jlik chʼojon, vaʼun la snuts lokʼel ta templo li chijetik xchiʼuk li vakaxetik, jech xtok la stanibe stakʼin li jeltakʼinetike xchiʼuk la svalkʼunbe li xmexaike. Xi laj yalbe li jchonpalomaetike: «¡Lokʼesik batel skotol li kʼusitik liʼe! ¡Mu xapasik ta chʼivit li sna Jtote!».
Li buchʼutik te oyik ta temploe toj labal sba laj yilik li kʼusi la spas li Jesuse. Vaʼun li yajchankʼoptake te vul ta sjolik li kʼusi xi onoʼox albil skʼoplal ta sventa li Mesiase: «Jaʼ tstsan-o koʼonton yuʼun ti oy tajek ta koʼonton li anae».
Ta mas jelavele li ta sjabilal 33, li Jesuse la xchʼuba ta xchibal velta li temploe. Yuʼun tskʼan ti akʼo xichʼik ta mukʼ li stemplo Stote.
«Jaʼ me jech ek, mu me xuʼ xatunik ta smoso Dios xchiʼuk ta smoso kʼulejal» (Lukas 16:13).
Xuʼ van chakʼupin skʼelel xtok liʼe
LI JESUSE: JAʼ LI BEE, JAʼ LI MELELE, JAʼ LI KUXLEJALE
Tsots skʼoplal laj yaʼi li yichʼel ta mukʼ Diose
Li Smantal Diose chal ti xuʼ jaʼ to xkʼot smanik ta Jerusalen li chonbolometik sventa xakʼik ta chikʼbil matanale, vaʼun chaʼa, ¿kʼu yuʼun ilin ta stojolal jchonolajeletik ta templo li Jesuse?
PASO TA AVAMIGO LI JEOVAE
Ichʼbo ta mukʼ sna li Jeovae
¿Kʼu yuʼun mu xtun xatajin li ta salon bu ta jtsob jbatike?
