NGUDO 76
Yesu U Kunakisa Thembele
Hu tshi vho sendela tshilimo tsha ṅwaha wa 30 C.E., Yesu a ya Yerusalema. Vhathu vhanzhi vho vha vho ḓa muḓini wonoyo samusi tsho vha tshi tshifhinga tsha Paseka. U itela u i pembelela, vho shumisa zwipuka sa zwiṱhavhelo thembeleni. Vhaṅwe vhathu vho ḓa na zwipuka, fhedzi vhaṅwe vho zwi renga Yerusalema.
Musi Yesu a tshi ya thembeleni, o vhona vhathu vha tshi khou rengisa zwipuka henefho. Vho vha vha tshi khou ḓiitela tshelede henefho ngomu nḓuni ya Yehova! Yesu o ita mini? O luka tshimebi nga dzithambo nahone a pandela nngu na kholomo thembeleni. O thudzekanya maṱafula a vhatshintshi vha tshelede
nahone a shululela tshelede yavho fhasi. Yesu a vhudza vhe vha vha vha tshi khou rengisa maivha a ri: ‘Bviselani kule hezwi zwithu zwaṋu! Litshani u ita nnḓu ya Khotsi anga fhethu ha mabindu!’Vhathu vha re thembeleni vho mangadzwa nga zwe Yesu a ita zwone. Vhafunziwa vhawe vho humbula vhuporofita ho ambiwaho nga ha Messia vhu no ri: ‘Ngauri ndi ḓo fhisetshela vhukuma nnḓu ya Yehova.’
Nga murahu, nga ṅwaha wa 33 C.E., Yesu o kunakisa thembele lwa vhuvhili. O vha a sa funi naho e nnyi a tshi nyadza nnḓu ya Khotsi awe.
“A hu na mushumeli ane a nga shumela vhaṋe vhavhili.”—Luka 16:13