LEKSYON 76
Ginlimpyohan ni Jesus an Templo
Ha katsaringsing han tuig 30 C.E., kinadto hi Jesus ha Jerusalem. Damu nga tawo an kinadto ha syudad para magselebrar han Paskua. Sugad nga bahin han selebrasyon, naghalad hira hin mga hayop ha templo. An iba nagdara hin mga hayop, pero an iba pumalit ha Jerusalem.
Pagkadto ni Jesus ha templo, nakita niya nga may mga nagbabaligya didto hin mga hayop. Nagninegosyo hira ha balay mismo para ha pagsingba kan Jehova! Ano an ginbuhat ni Jesus? Naghimo hiya hin latigo nga pisi ngan gintabog an mga karnero ngan mga baka tipagawas ha templo. Iya ginbalintong an mga lamesa han mga parabalyo hin kwarta ngan ginhuwad an ira mga sinselyo. Ginsidngan niya an mga parabaligya hin sarapati: ‘Kuhaa niyo ini dinhi! Ayaw niyo himoa nga baraligyaan an balay han akon Amay!’
An mga tawo didto ha templo nanhipausa ha ginbuhat ni Jesus. Nahinumdoman han iya mga disipulo an tagna mahitungod han Mesias: ‘Mapupuno ako hin kadasig para ha balay ni Jehova.’
Ha urhi, han tuig 33 C.E., ginlimpyohan utro ni Jesus an templo. Diri niya tutugotan an bisan hin-o nga magpakita hin kawaray-respeto ha balay han iya Amay.
“Diri niyo mahimo pagdunganon an pagin uripon han Dios ngan han karikohan.”—Lucas 16:13
Bangin Maruyagan Mo Liwat
HI JESUS—AN DALAN, AN KAMATUORAN, AN KINABUHI
Iginpakita ni Jesus nga Aktibo Hiya ha Totoo nga Pagsingba
An Balaud han Dios nagtutugot ha mga tawo nga pumalit hin hayop ha Jerusalem para ihalad, pero kay ano nga nasina hi Jesus ha mga negosyante ha templo?
MAGIN SANGKAY NI JEHOVA
Respetoha an Balay ni Jehova
Paonan-o mo maipapakita an angayan nga respeto ha balay ni Jehova para ha pagsingba ha iya?
