ISIFUNDO 76
UYesu Ucoca Itempile
Kwintwasahlobo yonyaka ka-30, uYesu waya eYerusalem. Abantu abaninzi babeyele iPasika kuloo dolophu. Ukuze bonwabele ipasika, enye into ababeyenza yayikukunikela ngezilwanyana etempileni. Abanye abantu babesiya nezilwanyana eYerusalem, ngoxa abanye babezithenga sebefikile.
Xa uYesu wayesetempileni, wabona abantu bethengisa izilwanyana apho. Babezenzela imali kwindlu yokukhonza uYehova! Wenza ntoni uYesu ngale nto? Wenza isabhokhwe ngeentambo waza wakhuphela iigusha neenkomo ngaphandle kwetempile. Wabhukuqa iitafile zabathengisi waza wayichitha phantsi imali yabo. UYesu wathi kwabo babethengisa amahobe: ‘Susani ezi zinto apha! Sanukuyenza indawo yokuthengisa indlu kaTata!’
Into eyenziwa nguYesu yabothusa abantu etempileni. Abafundi bakhe bakhumbula isiprofeto esingoMesiya esithi: ‘Ndiza kuyithanda kakhulu indlu kaYehova.’
Kwakhona, ngonyaka ka-33, uYesu wacoca itempile okwesibini. Wayengasoze avumele nabani na adelele indlu kaYise.
“Aninakukhonza uThixo nobuTyebi.”—Luka 16:13
Mhlawumbi Ungayithanda Nale
UYESU—INDLELA, INYANISO, UBOMI
UYesu Ubonisa Ukuba Uyayithanda Indlu KaThixo
Kutheni uYesu ecatshukiswa ngabathengisi kodwa uMthetho KaThixo wawubavumela abantu abasuka eYerusalem ukuba bathenge izilwanyana ukuze babingelele?
YIBA NGUMHLOBO KAYEHOVA
Yihlonele Indlu KaYehova
Ungayibonisa njani intlonelo efanelekileyo ngendlu kaYehova ekunqulelwa kuyo?
IMIFANEKISO
UYesu Ucoca Itempile
Funda le ngxelo eBhayibhileni uze ubone izinto ezine ezingamelanga ukuba zikho kulo mfanekiso.
