XOOKIL 76
Jesuseʼ tu jóoʼsaj le j-koonoloʼob teʼ templooʼ
Óoliʼ tu mesil abril tiʼ le año 30, Jesuseʼ bin Jerusalén. Yaʼab máak bijaʼan teʼ kaaj utiaʼal u kʼiinbesik le Pascuaoʼ. Jeʼex suuk u beetkoʼobeʼ, ku kʼubkoʼob kaʼach kíimsbil baʼalcheʼob teʼ templooʼ. Yanoʼobeʼ ku taaskoʼob le baʼalcheʼob ken u kʼuboʼoboʼ, chéen baʼaleʼ uláakʼoʼobeʼ ku manikoʼob Jerusalén.
Ka kʼuch Jesús teʼ templooʼ tu yilaj jujuntúul máakoʼob táan u konkoʼob baʼalcheʼobiʼ. ¡Táan kaʼach u koonoloʼob teʼ naj tuʼux ku adorartaʼal Jéeobaoʼ! ¿Baʼax túun tu beetaj Jesús? Tu beetaj junpʼéel chicoteeʼ ka tu jóoʼsaj le tamanoʼob yéetel le wakaxoʼob ku koʼonoloʼob teʼ templooʼ. Tu walkʼesaj xan u mesa le máaxoʼob ku kʼexkoʼob taakʼinoʼ, ka láaj kʼiʼitpaj u taakʼinoʼob. Jesuseʼ tu yaʼalaj tiʼ le máaxoʼob konik palomaʼoboʼ: ‹¡Luʼseʼex le baʼaloʼob teʼelaʼ! ¡Maʼ a sutkeʼex u yotoch in Taata junpʼéel kúuchil utiaʼal koonol!›.
Le máaxoʼob yanoʼob teʼ templooʼ jach jaʼakʼ u yóoloʼob yoʼolal le baʼax tu beetaj Jesusoʼ. U disipuloʼobeʼ tu kʼaʼajsoʼob le baʼax aʼalaʼan yoʼolal le Mesíasoʼ: ‹In nojoch yaabilaj yoʼolal a wotocheʼ yaan u tʼabik in wóol›.
Teʼ año 33, Jesuseʼ tu kaʼa jóoʼsaj le j-koonoloʼob teʼ templooʼ. Maʼ tu chaʼaj u mixbaʼalkúuntaʼal le naj tuʼux ku adorartaʼal u Taataoʼ.
«Maʼ tu páajtal a beetkabaʼex palitsil tiʼ Dios bey xan palitsil tiʼ le ayikʼaliloʼoboʼ.» (Lucas 16:13)
Maʼ xaaneʼ jeʼel u yutstal xan ta wicheʼ
JESÚS: LE BEJOʼ, LE JAAJOʼ YÉETEL LE KUXTALOʼ
Jesuseʼ ku yeʼesik jach u yaabiltmaj le templooʼ
Le Leyoʼ ku tsʼáaik páajtalil tiʼ le máaxoʼob náach u taaloʼob ka u manoʼob baʼalcheʼob u kʼuboʼob bey siibaloʼ, ¿baʼaxten túun jóoʼsaʼab le j-koonoloʼob ichil le templo tumen Jesusoʼ?
BEETABA U AMIGO JÉEOBA
Respetart u yotoch Jéeoba
¿Baʼaxten unaj a respetartik le naj tuʼux k-adorartik Jéeobaoʼ?
