Sigory ló beʼo abril de íz 30, Jesús goyee gudx Jerusalén. Ló dzúcu bidxin xidal buñ gudxcú par gonyibu lanii ni góc laa Pascua. Ló laniicu, buñ biscad nimal a Jehová lainy templo. Tipnés buñ goyné nimalien xtuny, né stipnés buñ ma cú gosiʼ ni guiscadyibu Jehová.

Órni bidxin Jesús lainy templo, bibiʼbu tipnés buñ ni catoʼ nimal lainy templo. ¡Cayonyibu negosy laniolidx Jehová, lagary ro non guienyibu Jehová diti ro non gonyibu negosy! ¿Xí buny Jesús ór cú? Cuaʼbu tlaʼ doʼ né biquiimbu láani par goleʼbu xiil né yós lainy templo. Láaca bichiʼixbu mexh ni biquiin buñ órni bitzaʼyibu  bidxiich né guirá nilas xtunyibu biretzlasni layoo. Jesús góoch buñ ni bitoʼ palom: «¡Colcueʼ guirá xcósto reʼ! ¡Diti gonyto negosy lidx Bixiosa!».

Buñ ni goyoʼ lainy templo bidziguiaʼyibu ni buny Jesús. Xpiimbu bisetnaladx ni ná profecía de Mesías: «Nigolú sapa respet lidx Jehová».

Después ló íz 33, Jesús bisiábu templo stoib buelt. Diti biduidybu lagary que buñ cuenunysi ñony lidx Bixiosbu.