Pascua fiesta yalishca jipaca, Jesusca paipa catijcunandimi Galilea llactaman cutin tigrarca. ‘Samaria llactapi tiaj Sicar shuti pueblomanmi chayarca’. ‘Chai pueblo ladopica, yacuta Ilujchingapaj jatun utujumi tiarca. Chaica, Jacobopajmi carca’. Chaipimi paicunaca samashpa quedarca. ‘Paipa yachajujcunaca pueblopi micunata randingapaj rijpimi’, Jesusca ‘shaijushca cashpa yacuta Ilujchina utuju patapi’ samangapaj tiarirca.

“Chaipi tiajujpimi, Samaria llactamanda shuj huarmica, yacuta Ilujchingapaj shamurca. Chai huarmitami Jesusca: Asha yacuguta ufiangapaj carahuai” nirca. Chai huarmica nircami: “Samaria llacta huarmimi capani. Canga, Judea llactamanda runamari cangui. ¿Imashpata ñucataca, yacuta mañahuangui?” nishpa. Shina nijpimi Jesusca tigrachirca: ‘Ñucata rijsishpaca, canmi yacuta mañahuanguiman. Can mañajpica, causaita caraj yacutami caraiman’ nishpa. Chaimi chai huarmica nirca: ¿Imashpata shina ningui? “Canga imahuan yacuta llujchingapajpash, na charipanguica” nishpa. Shina nijpimi Jesusca tigrachirca: ‘Ñuca carashca yacuta maijambash ufiashpaca, cutinga na yacunayachingachu’ nishpa. Chaimi chai huarmica nirca: ‘Chai yacuta carahuailla’ nishpa.

Chai huarmitaca Jesusca nircami: “Cambaj cusatara pushashpa tigramugri” nishpa. Chaimi “chai huarmica, cusataca na charinichu” nirca. Shina nijpimi Jesusca nirca: ‘cusata na charinichu nishpaca, na llullajunguichu. Canga ñami picha cusata charishcangui. Cunan canhuan causajuj runapash, na canba cusachu’. Chaimi chai huarmica nirca: “Canga Dios ima nishcata villajmi cangui yarin”. ‘Ñucanchi taitacunaca cai urcupimi Taita Diostaca ninanda alicachina’ can ninmi. Cutin judiocunaca ‘Jerusalenbillami Taita Diostaca adorana can’ ninmi. ‘Mesías shamunataca yachapanimi. Pai shamushpami’ Taita Diosta imashina adoranatapash yachachinga nishpa. Jesusca nipiman na villashcatami chai huarmimanga villarca. Ñucami Mesías cani nishpa.

Chai huarmica puebloman rishpami samaritanocunaman cashna villajurca: “Jacuchi, shuj runaguta ricunguichi.  Paica, ñuca tucui imata rurashpa causashcataca, tucuillatami yachashpa villahuarca. ¿Nacha paica, Quishpichij Cristo imashi?” nishpa. Shina nijpimi gentecunaca pozo yacu ladoman rishpa Jesús yachachijta uyanajurca.

Samaritanocuna ‘ashaguta shuyapai ninajujpimi Jesusca ishcai punllata paicunahuan chaipi quedarca’. Chaipimi Jesús yachachijpi ashtaca gentecuna paipi crinajurca. Chai gentecunaca ‘chai huarmitaca ninajurca: Cunanga, pai villajujtapacha uyashpami, na can villajpilla crinchi. Paica, cai pachapi causajcunata quishpichij cajtami yachanchi’ nishpa.