Jesus baptize áhoʼdiilyaadóó bikʼijįʼ ‘God biNahatʼaʼ bichʼįʼ hoolzhish’ jiníigo ahozhniilneʼ. Ídahoołʼaahii éí Gálilii dóó Judíya binaagóó hakééʼ tádookai. Jesus éí Názarethgi biyaa hooʼaʼ, ákweʼé níjídzáago synagogue góneʼ Isaiah binaaltsoos ąą ájiilaa. Díí ayóó íitsʼaʼgo jííłtaʼ: ‘Haneʼ yáʼátʼéehii baa hashneʼ doo biniyé Jiihóvah biníłchʼi diyinii sheidiníʼą́.’ Díí haʼátʼíí áhyiłní? Éí azhą́ shı̨́ı̨́ diné Jesus miracles ííłʼínígíí deinízin ndi, íiyisíí yiniyé níyáhígíí éí níłchʼi diyinii baa deetʼą́ągo haneʼ yáʼátʼéehii yaa halneʼ doo. Áádóó dahwíístsʼą́ʼígíí ábizhdííniid: ‘Díí jı̨́ díí prophecy bohoolyaa.’

Jesus Sea of Galileegi jiníyá, bídahoołʼaahii dı̨́įʼgo łóóʼ hadayiileehí danilı̨́įgo yił ahíikai. Jesus áhodííniid: ‘Tįʼ shikééʼ wohkah, áko diné hayiileehí dadoohłeełgo ánihideeshłííł.’ Éí Peter, Andrew, James dóó John ádaatʼı̨́. Tʼáá hooshchʼįʼ bindaanish yę́ę niʼ ádayiilaago Jesus yikééʼ dah diikai. Tʼáá átʼé Gálilii nidahoneesʼą́ą́góó Jiihóvah biNahatʼaʼ yaa dahalneʼgo tádookai. Synagogue dóó nidaʼiiniihgóó índa daʼnítiingóó ndahojisneʼ. Tʼóó ahayóí diné hakééʼ tádínééh. Síriyagóó ndi, Jesus yaa dahodiiztsʼą́ą́ʼ.

Jesus éí bídahoołʼaahii łaʼ níłchʼi diyinii yeidiyiizʼą́. Díí éí diné bąąh dah nahazʼánígíí dóó demons biiʼ dahólónígíí nídeidoołdzih biniyé. Łaʼ éí diné kéédahatʼı̨́ı̨́góó hojilneʼgo hoł tádookai. Mary Mágdaliin, Joána, Suzána, dóó łaʼ sáanii daʼoosdląądígíí éí Jesus dóó bídahoołʼaahii yaa ádahalyą́ą́ ńtʼééʼ.

Jesus éí bídahoołʼaahii hazhóʼó neineeztą́ą́ʼ, áádóó nidahalneʼ doo biniyé ayiisʼaʼ. Gáliliigi tázhdíkáahgo ląʼí ídahoołʼaahii daazlı̨́įʼgo baptize ádabiʼdiilyaa. Ląʼí diné íhoołʼaahii deeshłeeł danízingo, Jesus éí dáʼákʼeh daʼneestʼą́ nahalingo yił ahąąh neinil. Jesus ání: ‘Jiihóvah ląʼí bá daʼdooyishígíí bíká  sodadołzin.’ Tʼahádóó bídahoołʼaahii 70go néidiinil, éí nidadiltʼéego Judíya binaagóó nidahalneʼ doo biniyé ajiisʼaʼ. Áłʼąą dineʼé God biNahatʼaʼ yee nideineeztą́ą́ʼ. Ídahoołʼaahii ádaatʼįįdígíí yaa bił dahózhǫ́ǫgo Jesus yee yił dahoolneʼ. Devil éí díí haneʼ niʼ ázhdoolííł doo bízhneelʼą́ą da.

Jesus éí bídahoołʼaahii naanish ílíinii náás dayółtʼéeh dooleeł yóʼní, díí éí tʼahdoo yáʼąąshgóó dah nídiidááhgóó yił ííshjání áyiilaa. ‘Éí nidahoneesʼą́ą́góó haneʼ yáʼátʼéehii baa dahołneʼ, diné God Bizaad bee nidanohtingo baptize ádaahłeʼ,’ yidííniid.