GĨCUNJĨ KĨA 82
Maũndũ Marĩa Ciana Ireruta Kuuma Bibilia-inĩ
Afarisai meekaga maũndũ mothe nĩguo makenie andũ. Mangĩekire mũndũ ũndũ mwega, mawĩkaga nĩguo monwo nĩ andũ. Maathiaga kũhoera kũrĩa andũ marĩ nĩguo monwo. Maaigaga mahoya maraihu meciria-inĩ, magacoka magathiĩ thunagogi-inĩ na magomano-inĩ ma njĩra gũcokera mahoya macio nĩguo maiguo nĩ andũ. Nĩ ũndũ ũcio, andũ nĩ maamakire mũno rĩrĩa Jesu aamerire ũũ: ‘Mũtikahoyage ta Afarisai. Meciragia atĩ Ngai nĩ egũkena nĩ ũndũ wao kũhũthĩra ciugo nyingĩ, no ndakenaga. Jehova nowe tu wagĩrĩirũo kũmenya mahoya manyu. Mũtigacokagĩre maũndũ o marĩa marĩa. Jehova endaga mũmwĩre ũrĩa mũraigua ngoro-inĩ.
‘Mwagĩrĩirũo kũhoyaga ũũ: “Ithe witũ ũrĩ igũrũ, rĩĩtwa rĩaku nĩ rĩtherio. Ũthamaki waku ũũke. Wendi waku wĩkwo gũkũ thĩ o ta kũu igũrũ.”’ Ningĩ Jesu nĩ aamerire atĩ nĩ maagĩrĩirũo kũhoya maheo irio cia mũthenya ũcio, moherũo mehia mao, na maũndũ mangĩ.
Jesu oigire ũũ: ‘Mũtigatige kũhoya. Thiĩi na mbere kwĩra Ithe wanyu Jehova amũhe indo njega. Gũtirĩ mũciari ũtendete kũhe ciana ciake indo njega. Mwana waku angĩkũhoya mũgate-rĩ, ũngĩmũhe ihiga? Na angĩkũhoya thamaki-rĩ, ũngĩmũhe nyoka?’
Jesu nĩ aacokire agĩtaarĩria ũrĩa eendaga kũrutana: ‘Angĩkorũo inyuĩ nĩ mũũĩ kũhe ciana cianyu iheo njega-rĩ, na githĩ Ithe wanyu Jehova ndarĩmũheaga roho mũtheru? Ũndũ ũrĩa mũrabatara gwĩka no kũhoya.’ Hihi wee nĩ ũrũmagĩrĩra ũtaaro ũcio wa Jesu? Ũhoyaga nĩ ũndũ wa maũndũ marĩkũ?
“Thiĩi na mbere kũhoya, na nĩ mũkũheo; thiĩi na mbere gũcaria, na nĩ mũkuona; thiĩi na mbere kũringaringa, na nĩ mũkũhingũrĩrũo.”—Mathayo 7:7
Icunjĩ Ingĩ Hihi Ũngĩenda Gũthoma
WĨRUTE KUUMA KŨRĨ MŨRUTANI ŨRĨA MŨNENE
Jesu nĩ Aatũrutire Kũhoya
No warie na Ngai ihinda o rĩothe, mũthenya kana ũtukũ, na nĩ egũkũigua.
MACOKIO MA CIŨRIA CIA BIBILIA
Ingĩhoya Maũndũ Marĩkũ?
Tuĩria ũmenye nĩkĩ mĩtangĩko yaku nĩ ya bata maitho-inĩ ma Ngai.
MŨRANGĨRI
“Hoyai, na Nĩmũkũheo”
Thuthuria ngerekano igĩrĩ cia Jesu thĩinĩ wa Luka mũrango wa 11 iria itaarĩirie ũrĩa ũngĩgĩa na ma atĩ mahoya maku nĩ mekũiguo nĩ Ngai.
