Férisiiz éí diné baa dahaniih doo biniyé ádaʼałʼı̨́. Joobaʼ ádaatʼįįhgo éí diné baa ákodadínóozįįł yiniyé ádaatʼı̨́. Dabidiʼnélʼı̨́ biniyé diné dahólǫ́ǫ́góó sodadilzin. Synagoguegi doodaiiʼ kintahgi diné dabididootsʼı̨́ı̨́ł yiniyé sodizin danineezii memorize ádeiłʼı̨́įgo háádayiiłtʼééh. Jesus éí ‘tʼáadoo Férisiiz nahalingo sodadilziní’ hałníigo bikʼee dazdeesyiz. ‘Éí hazaad daaląʼígíí God bił yáʼátʼééh dazhnízin, ndi doo ákótʼée da. Nisodizin bee tʼáá ni tʼéiyá Jiihóvah bichʼįʼ yáníłtiʼ. Sodílzingo tʼáadoo hááhíłtʼéhí. Jiihóvah éí nijéí tłʼááhdę́ę́ʼ baa nitsíníkeesígíí bee shił hołneʼ nóʼní.

‘Kótʼéego sodadołzin: Nihizhéʼé “yáʼąąshdi honílóonii nízhiʼ diyingo óolzin leʼ, bee nóhólníihii náásgóó kʼeeʼąą yilzhish leʼ.  Áádóó bee íinínízinii tʼáá yáʼąąshdi ááníłígi átʼéego nahasdzáán bikáaʼgi ááníił leʼ.”’ Chʼiyáán baa ahééh danohsin, nidaʼayiilzííh nihá yóóʼahidíʼaah, áádóó iiná bídadéétʼiʼgi ałdóʼ bíká sodadołzin.

Jesus ání: ‘Sodizin neʼ kódaołééh lágo. Nihizhéʼé Jiihóvah yáʼátʼéehii bídeínóhkeed. Hweʼawééʼ hólǫ́ǫgo yáʼátʼéehii bá jinízin łeh. Niyáázh bááh níyókeedgo, tsé daatsʼí baa dííʼááł? Łóóʼ níyókeedgo tłʼiish daatsʼí baa dííłtééł?ʼ

Bee naʼnitinii Jesus ííshjání áyiilaa: ‘Yáʼádaatʼéehii nihaʼáłchíní baa dadoohłéełgo nihił béédahózin, éí bilááh átʼéego Jiihóvah níłchʼi diyinii bídayókeedii yeidiyiiʼaah. Níłchʼi diyinii bíká sodílzin.ʼ Jesus ánínígíísh bikʼeh honíłʼı̨́? Niísh éí haʼátʼíí bíká sodílzin?