И фарисеёря терэнас вся, кай и мануша тэ шон сама пэр лэндэ. Вонэ терэнас лашимос кати, кай и мануша тэ ӷанэн пала када. Кай лэн всаворэ тэ диқэн, вонэ мангэнаспэ котэ, кай сас бут мануша. И фарисеёря висытелэ и барэ молитвы и ԥэнэнас лэн най еқвар. Вонэ ԥэнэнас лэн андэ синагога, када цэр, кай прожалас и собрания и пэ вулицы, кай и мануша тэ ашунэн. И мануша динэ наздив, кала о Иисусо ԥэндя лэнди: «На мангэнпэ сар и фарисеёря. И фарисеёря гиндон, кай лэ Дэвлэсти чалёл лэндирэ барэ молитвы, но када най кадя. И молитва, када, кала ту екжэно дэс дума лэ Иеговаса. На ԥэнэн андэ молитвы ек и ек алава. О Иегова камэл тэ ашунэл, со тумэндэ па чачимастэ андо ди».

О Иисусо росԥэндя, сар трэбуй тэ мангэспэ. Во ԥэндя: «Амаро Дад по нэбо, стер, кай тиро алав тэ авэл свынто. Мэк авэл тиро царство.  Мэк тири воля авэл и пэ ԥув, сар по нэбо». Кадяжэ о Иисусо ԥэндя, кай инке тэ мангэспэ пала хамос, кай тэ авэл пэ кажно дес, кай тэ простинпэ амарэ ӷрехоря и пала кода, со тути екжэнэсти трэбуй.

О Иисусо ԥэндя: «Никала на парашэн тэ мангэнпэ. На парашэн тэ мангэн тумарэ Дадэс, лэ Иеговас, кай во тэ поможый тумэнди. Всаворэ дада и дэя камэн, кай лэндирэ бэятонэндэ тэ авэл вся, со май лашо. Сар о шаво мангэла марно, ту дэса лэсти бар? Сар во мангэла тутар мащес, ту дэса лэсти сапэс?»

После када о Иисусо ԥэндя, со сыкавэн лэстирэ алава: «Тумэ ӷанэн, сар тэ терэн тумарэ бэятонэнди лашэ подаркоря. Тоди пэ скати тумаро Дад, о Иегова дэла тумэнди о свынто духо. Тумэнди трэбуй кати тэ мангэн лэс». Ай ту терэс кадя, сар сытярдя о Иисусо? Пала со ту мангэспэ?