CIJIJO 87
Cirariro co Kupejisira ca Jesu
VaJudha vaiita phasika yo njiku 14 yo mweji wa Nisani gore ngo gore. Ivona vaitira kuceukija kuti Jehova wakavasujunyurisa kudini kubva pa uranda ku Ejipita zve wovaendesa ku Nyika yo Cipikihwa. Mugore ra 33 N.V.Y., Jesu no vapostori vake vakaita Phasika mu kwaratu yo panyezuru ku Jerusarema. Pakupera kuha, Jesu wakavabvunja kuti: ‘Umwe wenyu acanditengesa.’ Vapostori vakakahamara zve vakabvunjisa Jesu kuti: ‘Ndiyani?’ Jesu wakati: ‘Nga wiya wandinopa pau iyi.’ Podhopo wakapa cidimbu co pau Judha Iskariote. Ngokukasika, Judha wakamuka podhopo wobuda kunja.
Jesu wakaita mukumbiro, perapo wo gura zvidimbu zvo pau zve opekeja vapostori vainga vasara. Iyena wakati: ‘Ihanyi pau iyi. Inoimirira muviri wangu, wondicamupekeja kuitira muregerehwe zvishaishi zvenyu.’ Iyena wakaita mukumbiro ngo pamusoro po vhinyu zve opekeja vapostori vake. Iyena wakati: ‘Imwanyi vhinyu iyi. Inoimirira ngazi yangu, yandicamupa kuti muregerehwe zvishaishi. Ndinomugondisa kuti imwimwi mucazova majimambo nainini mugore. Itanyi izvi mecindiceukija makore ese.’ Vateveri va Jesu vaiungana pa ndau imwe basi pa gore ngo gore. Musongano hwondhohwo unodanijwa kuti Cirariro ca Mambo kana ishe comadeko.
Pakupera cirariro, vapostori vakanesana ngokuda kuziva ndiyani waizogara mukuru. Asi Jesu wakavabvunja kuti: ‘Mukuru pakati penyu ndiwiya anojiita mudoko kuna vese, kana acingasisiri.
‘Imwimwi muri shamwari jangu. Ndinomubvuja zviro zvandinobvunjwa ndi Baba wangu zvavanoda kuti ndimubvunje. Sambi-sambi inini ndiri kuenda kuno Baba wangu mugore. Imwimwi muri kusara zve vandhu vacazoziva kuti muri vajiji vangu kudari mukadisana ngo cenyu. Imwimwi munodika kudisana umwe no umweni kudari inga zvondakamuda.’
Pakupejisira, Jesu wakaita mukumbiro kuna Jehovha, ecikumbira kuti angwarire vajiji. Iyena wakakumbira kuna Jehovha kuti avabesere kuti vagare no runyararo. Iyena wakaita mukumbiro kuitira kuti zina ra Jehova riceneswe. Pondhopo Jesu no vapostori vake vakaimba ndumbo ngo mudakaro wese kuna Jehova perapo vobuda kunja. Nguva yainga ya phedo kuti Jesu asungwe.
“Mucathya, muxambi mudoko! Ngokuti Baba wenyu vakada kumupa Umambo.”—Luka 12:32
Zvimweni Zvamungadakarira nga Izvi:
JESU—I GWANJA, I COKWADI NO UPENYU
Cirariro ca Tenji
Jesu anogaja cirangarijo cinozoitwa ngo vateveri vake gore ngo gore mu dhiya 14 ya Nisani.
JESU—I GWANJA, I COKWADI NO UPENYU
Anopa Cijijo co Kujidodokesa pa Phasika Yokupejisira
Anokahamarisa vapostori vake ngo kuita basa ro muranda.
JESU—I GWANJA, I COKWADI NO UPENYU
Mukumbiro wo Kupejisira wa Jesu mu Berere ro Padenga
Iyena anojekesa kuti waita ciro cinosisira maningi kupinda kuponesa vandhu.
MUBVUNJO JINONYANYA KUITWA
Ngenyi Zvapupu zva Jehovha Zvinoreremeja Maningi Cirariro ca Tenji Kupinda Zvinoita Zviara Zvimweni?
Ciitiko ici cinodanijwavo inga Cirariro Cokupejisira kana Cirangarijo, zve icona ciitiko cakaceneswa kamare ku Zvapupu zva Jehovhalso. Vonanyi kuti Bhaibheri rinonangenyi ngo pamusoro po ciitiko ici.
