មេរៀនទី៨៨
លោកយេស៊ូបានត្រូវចាប់ខ្លួន
លោកយេស៊ូនិងពួកសាវ័កបានដើរឆ្លងជ្រលងគីដ្រុន ទៅឯភ្នំដើមអូលីវ។ ពេលនោះម៉ោងរំលងអធ្រាត្រ ហើយមានដួងចន្ទពេញវង់។ កាលទៅដល់សួនកេតសេម៉ានី លោកយេស៊ូប្រាប់ពួកសាវ័កថា៖ ‹ចូរអ្នករាល់គ្នានៅទីនេះសិន ហើយចាំយាម›។ បន្ទាប់មក លោកចូលក្នុងសួនឆ្ងាយបន្តិចពីពួកគាត់ ហើយក្រាបខ្លួនដល់ដី។ លោកយេស៊ូកើតទុក្ខខ្លាំងណាស់ លោកអធិដ្ឋានទៅព្រះយេហូវ៉ាថា៖ «សូមឲ្យបំណងប្រាថ្នារបស់លោកបានសម្រេច»។ បន្ទាប់មក ព្រះយេហូវ៉ាបានចាត់ទេវតាមួយរូបឲ្យលើកទឹកចិត្តលោកយេស៊ូ។ រួចលោកដើរទៅឯសាវ័កបីនាក់ ហើយឃើញពួកគាត់កំពុងដេកលក់ លោកក៏មានប្រសាសន៍ថា៖ ‹ចូរភ្ញាក់ឡើង! នេះមិនមែនជាពេលត្រូវដេកទេ! ដល់ពេលដែលខ្ញុំត្រូវបញ្ជូនទៅឲ្យពួកសត្រូវហើយ›។
ភ្លាមៗ យូដាសក៏មកដល់ ទាំងនាំមនុស្សមួយក្រុមធំប្រដាប់ដោយដាវនិងដំបងមកជាមួយ។ យូដាសដឹងថាលោកយេស៊ូនៅទីនេះ ដោយសារពួកគាត់មកសួននេះជាញឹកញាប់។ យូដាសប្រាប់ពួកទាហានថា គាត់នឹងជួយពួកគេឲ្យដឹងថាអ្នកណាជាលោកយេស៊ូ។ ដូច្នេះ គាត់បានដើរទៅជិតលោកយេស៊ូ ហើយនិយាយថា៖ ‹ជម្រាបសួរលោកគ្រូ› ហើយថើបលោក។ លោកយេស៊ូតបថា៖ ‹យូដាស តើអ្នកក្បត់ខ្ញុំដោយថើបឬ?›។
លោកយេស៊ូបានចេញមកឈរនៅខាងមុខមនុស្សទាំងនោះ ហើយសួរថា៖ «តើអ្នករាល់គ្នាកំពុងរកអ្នកណា?»។ ពួកគេឆ្លើយថា៖ «យេស៊ូពីក្រុងណាសារ៉ែត»។ លោកតបថា៖ «ខ្ញុំនេះហើយ»។ ឮដូច្នេះ ពួកគេបានថយក្រោយ ហើយដួលទៅដី។ លោកយេស៊ូសួរពួកគេម្ដងទៀតថា៖ «តើអ្នករាល់គ្នាកំពុងរកអ្នកណា?»។ ពួកគេឆ្លើយថា៖ «យេស៊ូពីក្រុងណាសារ៉ែត»។ លោកយេស៊ូតបថា៖ ‹ខ្ញុំបានប្រាប់ថា គឺខ្ញុំ។ ចូរឲ្យពួកអ្នកកាន់តាមខ្ញុំទៅចុះ›។
ពេលពេត្រុសយល់អំពីរឿងដែលកំពុងកើតឡើង គាត់ក៏ហូតដាវ ហើយកាប់ដាច់ស្លឹកត្រចៀកម្ខាងរបស់ម៉ាលឃូសដែលជាខ្ញុំបម្រើសម្ដេចសង្ឃ។ ប៉ុន្តែ លោកយេស៊ូបានពាល់ស្លឹកត្រចៀកគាត់ ហើយគាត់ក៏បានជា។ រួចលោកប្រាប់ពេត្រុសថា៖ «ចូរស៊កដាវរបស់អ្នកទៅក្នុងស្រោមវិញ ព្រោះអស់អ្នកដែលប្រើដាវ ក៏នឹងស្លាប់ដោយដាវដែរ»។ ពួកទាហានបានចាប់លោកយេស៊ូ ហើយចងដៃលោក ឯពួកសាវ័កបានរត់គេចខ្លួន។ បន្ទាប់មក ក្រុមមនុស្សនាំខ្លួនលោកយេស៊ូទៅផ្ទះអេណាសដែលជាសង្ឃនាយក។ អេណាសបានសួរចម្លើយលោកយេស៊ូ ហើយបញ្ជូនលោកទៅឯផ្ទះកៃផាសដែលជាសម្ដេចសង្ឃ។ ចុះពួកសាវ័កវិញ?
«ក្នុងពិភពលោក អ្នករាល់គ្នានឹងមានសេចក្ដីវេទនា ប៉ុន្តែចូរមានចិត្តក្លាហានឡើង! ខ្ញុំបានឈ្នះពិភពលោកហើយ»។—យ៉ូហាន ១៦:៣៣
លោកអ្នកក៏ប្រហែលជាចូលចិត្តដែរ
លោកយេស៊ូ ជាផ្លូវ ជាសេចក្ដីពិត ជាជីវិត
លោកអធិដ្ឋានពេលដែលកើតទុក្ខយ៉ាងខ្លាំង
ហេតុអ្វីលោកយេស៊ូអធិដ្ឋានថា៖«សូមដកពែងនេះចេញពីខ្ញុំ»? តើលោកកំពុងរាថយចេញពីតួនាទីរបស់លោកដែលជាអ្នកបង់ថ្លៃលោះឬ?
លោកយេស៊ូ ជាផ្លូវ ជាសេចក្ដីពិត ជាជីវិត
គ្រិស្តត្រូវគេក្បត់ហើយចាប់ខ្លួន
យូដាសអាចរកលោកយេស៊ូឃើញសូម្បីតែនៅពេលពាក់កណ្ដាលអធ្រាត្រ។
លោកយេស៊ូ ជាផ្លូវ ជាសេចក្ដីពិត ជាជីវិត
លោកយេស៊ូបានត្រូវនាំទៅអេណាស រួចទៅកៃផាស
ការវិនិច្ឆ័យក្ដីលោកយេស៊ូគឺអយុត្ដិធម៌ណាស់។
