Jesus éí yíldzis Kídran hoolyéédóó Dził Álivzjįʼ daalʼaadii yił yiikai. Tłʼééʼ ííłnííʼ bikʼijįʼ full moon bee hoolʼin. Gethsémanii dáʼákʼehgi jíkaigo Jesus áháłní: ‘Tʼáá kǫ́ǫ́ hadaʼísídółʼı̨́ı̨́ʼ.’ Jesus tʼáá áyídíjįʼ niníyáago nitsídinigoʼ. Tʼáá íiyisíí bíniʼ yínííł silı̨́įʼgo Jiihóvah yichʼįʼ sodoolzin: ‘Ni íinínízinii bihodoolniił,’ ní. Jiihóvah éí níłchʼi naalʼaʼí yiníłʼaʼgo Jesus haʼólníigo áyiilaa. Jesus éí daalʼaadii baa nidzidzá, ńtʼééʼ táltʼéego daʼałhosh. Jesus áháłní: ‘Chʼéédanohdzííd! Tʼáadoo tʼóó daʼołhoshí! Sheʼanaʼí bílákʼeejįʼ nináshideetʼaah baa hoolzhiizh.’

Ńtʼééʼ Júdas éí Jesus bikʼijįʼ danilíinii diltłish dóó tsin deíjáahgo yił yíkai. Júdas éí díí dáʼákʼehgi hooʼı̨́, háálá ákwii Jesus bił ahíníjiikah ńtʼééʼ. Júdas éí Jesus átʼínígíí siláo yił ííshjání áyiilaa. Jesus yichʼįʼ niníyáago ání: ‘Yáʼátʼééh, Naʼnitinii,’ áádóó kiss áhoolaa. Jesus áhodííniid: ‘Júdas, daʼ kiss áshiinilaahígíísh bee nináshidiiníʼą́?’

Jesus hachʼįʼ náás hideeyáago áháłní: “Háishąʼ hadanohtá?” Ádajiní: “Jesus Názarethdóóígíí.” Jesus ání: “Shí éí áshtʼı̨́.” Tʼą́ą́ʼ kódajiidzaa. Jesus ánáádooʼniid: “Háishąʼ hadanohtá?” Ńtʼééʼ, “Jesus Názarethdóóígíí,” daaní. Jesus ánááhodooʼniid, ‘Shą́ą́ʼ, shí éí áshtʼı̨́. Díí bił naashkaígíí bidaʼnołnííh.’

Ńtʼééʼ Peter bidiltłish hayíítą́ągo, aláahgo nááʼiiłniihii binaalteʼ Málkas wolyéego bijaaʼ néidííłhaalgo kʼíinígizh. Áko Jesus éí Málkas bijaaʼ yideelchidgo náyííłdzííʼ. Ńtʼééʼ Jesus éí Peter áyidííniid: ‘Nidiltłish iih nánítįįh, háálá tʼáá hadiltłish bił hajíídéélígíí éí hó diltłish bee ázhdoodįįł.’ Siláo éí Jesus dayiiłtsoodgo áádóó daalʼaadii  yóóʼííjééʼ. Hakʼijįʼ danilíinii éí Ánas aláahgo nááʼiiłniihii yichʼįʼ dahazlóóz. Ánas éí Jesus nayídééłkid, áádóó Jesus Kéíyafas bichʼįʼ áhoʼdoodlóóz. Áko daalʼaadii haa daadzaa?