NUPINPLỌN 90
Jesu Kú to Gọlgọta
Yẹwhenọgán lẹ plan Jesu yì họ̀nmẹ ayimatẹn-gán tọn. Pilati kanse yé dọmọ: ‘Owhẹ̀ tẹwẹ mì tindo sọta dawe ehe?’ Yé gblọn dọmọ: ‘E dọ dọ emi yin ahọlu!’ Pilati kanse Jesu dọ: “Be hiẹ wẹ Ahọlu Ju lẹ tọn ya?” Jesu dọmọ: “Ahọluduta ṣie ma yin apadewhe aihọn ehe tọn.”
To whenẹnu, Pilati do Jesu hlan Hẹlọdi, he yin ogán Galili tọn dè, nado pọ́n eyin ewọ na mọ nude sọta ẹ. Hẹlọdi ma mọdọ Jesu wà nude yindo, enẹwutu e gọ̀ ẹ dohlan Pilati. Pilati sọ dọna gbẹtọ lọ lẹ dọmọ: ‘Yẹn po Hẹlọdi po ma mọ nudepope sọta dawe ehe. N’na tún in dote.’ Gbẹtọgun lọ dawhá dọmọ: ‘Hù i! Hù i!’ Awhànfuntọ lẹ yí obá do hò Jesu bo túntán do e go bosọ linú in. Yé ṣinyọ́n jẹgbakun owùn tọn de na ẹn bo vlẹ ẹ kò dọmọ: ‘Kudo lewhenu, Ahọlu Ju lẹ tọn.’ Pilati sọ vọ́ dọna gbẹtọgun lọ dọmọ: ‘Yẹn ma mọ nudepope sọta dawe ehe.’ Amọ́, yé dawhá dọ: “Ewọ ni yin hùhù do pòtin ji!” Enẹwutu, Pilati degbe dọ Jesu ni yin hùhù.
Yé sọ plan Jesu yì fihe nọ yin yiylọdọ Gọlgọta bo whè e do pòtin go bosọ jlọ pòtin lọ dote. Jesu hodẹ̀ dọmọ: ‘Otọ́, jona yé, na yé ma yọ́n nuhe wà yé te.’ Mẹlẹ ṣàn Jesu kò bo dọmọ: ‘Eyin hiẹ yin Visunnu Jiwheyẹwhe tọn, jẹte sọn pòtin lọ ji! Whlẹn dewe.’
Dopo to jaguda he yin whiwhè do apá na ẹn lẹ mẹ dọmọ: “Flin mi whenue hiẹ na biọ Ahọluduta towe mẹ.” Jesu dopà na ẹn dọ: “Hiẹ na tin hẹ mi to Paladisi mẹ.” To whèmẹ, zinvlu ṣinyọ́n aigba lọ ji na gànhiho atọ̀n. Delẹ to devi lẹ mẹ gọna Malia, onọ̀ Jesu tọn, nọte to pòtin lọ pá. Jesu dọna Johanu dọ ni penukundo Malia go di onọ̀ etọn titi.
To godo mẹ, Jesu dọmọ: “E ko yin wiwadotana!” E sọ dokọdò bo gbọ gbigbọ godo tọn. To ojlẹ enẹ mẹ pẹẹ, aigba sisọsisọ daho de wá aimẹ. Podọ to tẹmpli mẹ, họmẹgbòvọ̀ daho he tin to Fiwiwe lọ po Fiwiwe Gbaugbau lọ po ṣẹnṣẹn tlẹ́n do awe. Whenue awhàngán de mọ nujijọ lọ, e dọmọ: ‘Matin ayihaawe, Visunnu Jiwheyẹwhe tọn wẹ ehe.’
“Mahopọnna lehe opagbe Jiwheyẹwhe tọn lẹ sù sọ, yé ko lẹzun ‘mọwẹ’ gbọn ewọ gblamẹ.”—2 Kọlintinu lẹ 1:20
A Gán Sọ Pọ́n Hosọ Ehelẹ
JESU—ALIHO LỌ, NUGBO LỌ PO OGBẸ̀ PO
Pilati po Hẹlọdi po Mọdọ Jesu Yin Homẹvọnọ
Naegbọn Pilati do Jesu hlan Hẹlọdi dè na e nido dawhẹna ẹn? Be Pilati ma tindo aṣẹpipa nado dawhẹna Jesu wẹ ya?
JESU—ALIHO LỌ, NUGBO LỌ PO OGBẸ̀ PO
Pilati Lá Dọmọ: “Mì Pọ́n! Dawe Lọ!
Pilati lọsu tlẹ doayi jẹhenu dagbe he Jesu dohia lẹ go.
JESU—ALIHO LỌ, NUGBO LỌ PO OGBẸ̀ PO
Ahọlu Homẹvọnọ de Jiya to Pòtin Ji
Jesu do opagbe he na mọ hẹndi to sọgodo de na dopo to sẹ́nhẹngbatọ he yin whiwhè do pòtin go hẹ ẹ lẹ mẹ.
JESU—ALIHO LỌ, NUGBO LỌ PO OGBẸ̀ PO
“Matin Ayihaawe, Visunnu Jiwheyẹwhe Tọn Wẹ Dawe Ehe”
Zinvlu he do to okle to azọ́njiawu-liho, aigba sisọsisọ lọ po tintlẹn do awe họmẹgbòvọ̀ he to tẹmpli mẹ lọ tọn po hẹnmẹ wá tadona dopo kọ̀n.
NUPLỌNMẸ TANGAN BIBLU TỌN LẸ
Naegbọn Jesu Do Kú?
To Biblu mẹ, okú Jesu tọn yin nujọnu taun. Be okú etọn tindo lẹndai de ya?
