Sacerdotecunata mandajcunaca Jesustaca Pilatopa mandana huasimanmi aparca. Pilatoca cashnami tapurca: Cai jaritaca “¿imata juchachishpata apamunguichi?” nishpa. Chaipimi paicunaca nirca: Paica “jatun mandaj” cani nijunmi nishpa. Chaimi ‘Pilatoca cashna tapurca: ¿Canllu Judea llactapi causajcunata jatun Mandaj cangui?’ nishpa. Jesusca cashna tigrachirca: ‘Ñuca mandanaca na cai pachapi’ canllu nishpa.

Jipamanga Pilatoca, Galilea llactata mandaj Herodes imamandapash juchachinata ricuchunmi Jesustaca paipaman cacharca. Shinapash Herodesca Jesusta imamandapash na juchachita ushashpami Pilatopamanllata tigrachirca. Chaimi Pilatoca gentecunataca cashna nirca: Herodespash, ni ñucapash cai runa ‘nalita rurashcataca imatapash na tarinchichu’, paitaca ‘cacharigrinimi’ nishpa. Chaimi gentecunaca cashna caparinajurca: ‘Chai runataca huañuchilla’ nishpa. Chai jipami soldadocunaca Jesustaca ninanda astirca, ñavipi tucarca, macarca. Shinallata ‘cashacunata pillushpa Jesuspa umapi churachishpami’ cashna nishpa burlarinajurca: “Judea llactapi causajcunata jatun Mandaj” buenos días nishpa. Chaimi cutin Pilatoca gentecunataca cashna nirca: “Cai runataca ima nalita rurashcatapash na ricunichu” nishpa. Shina nijpica gentecunaca ashtahuanmi cashna caparinajurca, [“jatun racu caspipi”, NM] clavashpa huarcuichilla nishpa. Chaimi Pilatoca Jesusta huañuchichun paicunaman curca.

Jipamanga Gólgota pushtupimi Jesustaca apanajurca. Chaipimi Jesustaca shuj racu caspipi clavashpa saquirca. Chaimi Jesusca Jehová Diosta cashna mañarca: “Ñuca Taitalla, caicunaca na yachaimandami cashna ruranajun” perdonapangui nishpa. Chai gentecunaca Jesusmanda burlarishpami cashna ninajurca: “Can ama huañungapaca, canllata quishpiriyari. Taita Diospaj Churipacha cashpaca, [“jatun racu caspi”, NM] jahuamanda uriajuyari” nishpa.

Jesuspa ladopi jatun racu caspipi huarcushca shuj nali runaca cashnami nirca: ‘Can mandajushpaca, ñucata yarihuangui’ nishpa. Chaimi Jesusca nirca: ‘Paraíso juyailla llactagupica ñucahuanmi cangui’ nishpa. Ña chishi tucujujpica quimsa horastami yana yana tucurca. Jesusta huaquin catijcunaca, Jesusta huarcushca racu caspi ladopimi shayanajurca. Chaipica Jesuspa mama, Mariapashmi carca. Chaipimi Jesusca Juanda cashna nirca: Canba mamatashna ñuca mamata cuidapangui nishpa.

Jesús ña huañugrijushpaca cashnami nirca: “Ñami tucuita pactachircani” nishpa. Shina nishca jipallami umata huarcushpa huañurca. Chai ratopillatami alpa mamaca shinllita cuyurca. ‘Diospa huasi ucupi huarcushca tiajuj jatun fachapashmi  jahuamanda uraiman llujshijta chaupipi liquirirca’. Chaimi shuj soldadoca cashna nirca: “Cai runaguca, Taita Diospaj Churipachami cashca” nishpa.