O sveštenička glavarija ljegardže e Isuse ki e Pilatesi palata. O Pilat pučlja ljen: „Aso so krivinena akalje manuše?“ On phendže: „Ov phenela soj tano kraljo!“ Tegani o Pilat pučlja e Isuse: „Da li tu hijan o judejsko kralj?“ O Isus odgovorindža ljese: „Moklo Kraljevstvo nane deo ando akava sveto.“

Tegani o Pilat bičhaldža e Isuse ko Irod, kova hine vladari ki Galileja, te dikhel da li šaj ov te arakhi diso sose šaj te krivini lje. Ama, o Irod na arakhlja ništa hem odoljese bičhaldža lje paljem ko Pilat. O Pilat phendža e narodose: „Ni o Irod, ni me na arakhljam diso sose šaj te krivina akalje manuše. Me ka oslobodinav lje.“ O narodo pištindža: „Mudar lje! Mudar lje!“ O vojnikija mardže e Isuse bičeja, čhungardže lje hem khuvdže lje. Čhivdže ljese ko šero jekh kruna koja hine čerdi ando kare hem mardže ljese muj adžahar so phendže: „Šukar dive, kraljo andi Judeja.“ O Pilat paljem phendža e narodose: „Me na arakhljum ništa sose šaj te krivinav akalje manuše.“ Ama, on pištindže: „Čhiv lje ko stubo!“ Odoljese, o Pilat naredindža o Isus te ovel mudardo.

O vojnikija ljelje e Isuse hem ljegardže lje ko than kova vičindža pe Golgota, kovindže lje ko stubo hem vazdindže o stubo upre. O Isus molindža pe: „Mo dad, oprostin ljendže, sose na džanena so čerena.“ O manuša asandilje e Isusese, hem phendže: „Ako tu hijan e Devljeso Čhavo, hulji kotar stubo! Spasin kokri tut.“

Jekh ando zločincija kova hine uzo ljeste ko stubo phendža ljese: „Setin tut koro mande ked ka ave ko toklo Kraljevstvo.“ O Isus obećindža ljese: „Tu ka ove mancar ko raj.“ Palo pladne, ki celo phuv hine tomnina koja trajindža trin satija. Nekobor učenikija terdilje uzo stubo, a maškaro oljende hine hem i Marija, e Isusesi daj. O Isus phendža e Jovanese te brinini pe kotar i Marija sar pe dajatar.

Ko krajo, o Isus phendža: „Čerdžum sa so rodindžan mandar!“ Teljardža po šero hem mulo. Ko odova momenti, hine jekh baro zemljotres. Ko hram, i phari zavesa koja odvojini i Svetinja  upro svetinje, pharavdilji ko ekvaš. Jekh vojniko phendža: „Ov hine čače e Devljeso Čhavo.“