CIGONDZO 90
Jesu a dawa le Golgota
A murangeli wa vapristi i no famba na Jesu le ndlwini ya Hosi. Pilatu i no ya va wutisa lezvi: ‘Zvini a nga wonha a wanuna loyi’? Vaku: ‘I ti byela lezvaku i hosi’! Pilatu i no wutisa Jesu aku: ‘U hosi ya vaJudha wena ke’? Jesu aku: ‘A Mufumo wa mina a hi wa laha misaveni’.
Pilatu i no rumela Jesu ka Herodhi, a hosi ya Galileya, kasi a ya mu vhuna ku kuma nandzu lowu Jesu a nga nawo. Herodhi i no wona lezvaku Jesu a nga wonhangi nchumu. Hikwalaho i no mu tlhelisa ka Pilatu. Pilatu i no gumesa a byela vanhu aku: ‘Mina na Herodhi hi wona lezvaku a wanuna loyi a nga na nandzu. Ndzi lava ku mu tsika a famba’. A vanhu va banguleka vaku: ‘Mu daye! Mu daye’! A masochwa ma noba Jesu hi cisepho, ma mu phelela ma tlhela ma muba tipama. Ma no luka mizwa ma mu bohisa lomu hlokweni ma mu swiretela maku: ‘Xewe Hosi ya vaJudha’. Pilatu i no phinda a byela vanhu aku: ‘Ka mina a wanuna loyi a nga na nandzu’. Kanilezvi, a vanhu va no banguleka vaku: ‘Mu belele laha mhandzeni’. Hikwalaho, Pilatu i no mu nyikela lezvaku a dawa.
A masochwa ma no famba na Jesu ka wutshamu gi nga vitaniwa ku Golgota, ma ya mu belela laha ka mhandze ma gumesa ma yi yimisa. Jesu i no maha mukombelo, aku: ‘Papayi, va tsetselele hakuva a va zvi tivi lezvi va zvi mahako’. A vanhu va no poyilela Jesu vaku: ‘Loku u hi n’wana wa Nungungulu, chika laho ka mhandze leyo! Ti ponise’.
A cigevenga cin’we ci nga belelwe kusuhani na Jesu, ci no mu byela lezvi: ‘Ndzi kombela ku u ndzi alakanya a cikhati u to nghena Mufun’weni wa wena’. Jesu i no ci tsumbisa aku: ‘U tava na mina Paradhiseni.’ Hi muphindelo, ku nova ni munyama lomu tikweni gontlhe hi cipimo ca tihora tinharu. A vapizani vo kari va Jesu zvin’we na Mariya a mamani wakwe, va wa yimile kusuhani ni mhandze leyi a nga belelwe ka yona. Jesu i no byela Johani lezvaku a hlayisa Mariya, a mu hlayisisa ku khwatsi i mamani wakwe.
Hi kugumesa, Jesu i no wula magezu lawa: ‘Zvi tatisekile’! I no koramisa hloko, a hefemula hi khati go gumesa. Ka cikhati caleco, a misava yi no tsekatseka nguvhu. A kortina go bindza gi nga hi lomu tempeleni laha cikari ka wutshamu go Basa ni go Basabasa, gi no handzuka hi laha cikari. A hosi yo kari ya masochwa yiku: ‘Hakunene loyi i wa hi N’wana wa Nungungulu’.
“Hambu loku a zvitsumbiso zva Nungungulu zvi ngava zvingani, a Ina wa zvona ku kona ka yena.” — 2 Va Le Korinte 1:20
You May Also Like
JESU I NDLELA, NI LISINE, NI WUTOMI
Pilatu na Herodhi vaku Jesu a nga na nandzu
Hikuyini Pilatu a nga rumela Jesu ka Herodhi kasi a ya mu lamula? Ku ngava lezvaku Pilatu i wa nga hi na fanelo ya ku mu lamula ke?
JESU I NDLELA, NI LISINE, NI WUTOMI
Pilatu aku: “Cuwukani a munhu loyi!”
Hambu Pilatu i ma wonile khwatsi a matshamela ya ma nene nguvhu lawa Jesu a nga ma kombisa.
JESU I NDLELA, NI LISINE, NI WUTOMI
Hosi yi belelweko mhandzeni na yi nga hi na nandzu!
Jesu i no ci tsumbisa zvilo zva hombe nguvhu a cin’we ca zvigevenga lezvi a nga belelwe nazvo.
JESU I NDLELA, NI LISINE, NI WUTOMI
‘Hakunene, a wanuna loyi i wa hi N’wana wa Nungungulu!’
Wa zvi tiva ku a munyama lowu wu ngava kona ni mumu, ni kutsekatseka ka misava, ni kortina legi gi nga handzuka zvi wa komba yini?
ESSENTIAL BIBLE TEACHINGS
Hikuyini Jesu a fileko?
A Bhibhiliya gi wula lezvaku a kufa ka Jesu kuve ka lisima nguvu. Kanilezvi, xana a kufa kakwe kuve ni kungo go kari?
