YIGIL 92
Yésu a mpémél balop tjobi
Mbus le Yésu a bi pémél baôma, Pétrô a yoñ bikidil le a nke lop tjobi i Lom Galiléa. Tômas, Yakôbô, Yôhanes, ni ngim banigil ipe i bi ke ni nye. Ba bi tégbaha u wonsôna mu lom, ndi ba bi gwel bé to yom.
Bikegla tutu, ba tehe mut a téé i ngwañ lom. A sébél bo, a bat bo le: ‘Baa ni ngwel tjobi?’ Ba timbhe nye le: “Heni!” A kal bo le: “Leña mbunja pes môñgô walôm.” Kiki ba mboñ hala, mbunja i yon ni tjobi, kayéle ba bé la bé betna yo i môñgô wap. Yôhanes a pala yimbe le Yésu nu, a kal le: “Nwet nu!” Kunda yada, Pétrô a leña malép, a hok pam i ngwañ lom. Bana banigil bape ba kahal noñ nye ni môñgô.
Ba pam bañ i ngwañ, ba tehe bikoga ni tjobi i ngii makalak. Yésu a kal bo le ba kônde ndék tjobi mu makalak, mu tjobi ba bi gwel. A kal ni bo: ‘Loga i je.’
Ngéda ba bi mal je, Yésu a bat Pétrô le: ‘Baa u ngwés me iloo i lop tjobi?’ Pétrô a timbhe le: ‘Ñ, a Nwet, wemede u nyi hala.’ Yésu a kal le: ‘Jés ni bon bem ba mintômba.’ Yésu a kônde bat nye le: ‘A Pétrô, baa u ngwés me?’ Pétrô a kônde ki timbhe le: ‘A Nwet, u nyi le me ngwés we.’ Yésu a kal le: “Tééda bon bem ba mintômba.” Yésu a bat nye hala inyu ngélé i nyônôs aa. Pétrô a nok njôghe ngandak. A kal le: ‘A Nwet, u nyi mam momasôna. U nyi le me ngwés we.’ Yésu a kal le: “Jéhak bon bem ba mintômba.” A sôk kal Pétrô le: ‘Kee ni bisu i noñ me.’
“[Yésu] a kal bo le: ‘Noña me, m’a yilha bé bayéñ bôt.’ Ni bo ba nwas mbunja bitéé bilôñi, ba noñ nye.”—Matéô 4:19, 20
Yak ini i nla lémél we
YÉSU: NJEL, MALIGA, NI NIÑ
I ngwañ tuye Galiléa
Ngélé aa, ba mbigdaha Pétrô lelaa a nla unda la a ngwés Yésu.
NI KÔNA HÉMLE YAP
Pétrô—A bi jôs woñi ni pééna
Pééna i nla ôbôs hémle i bikristen. Ndi di nla yémbél pééna ni woñi inyu noñ Yésu.
