DILONGESHA DIA 93
Yezu udi upingana mu diulu
Yezu wakatuilangana ne bayidi bende mu Galela. Kubatuminaye dîyi wamba ne: ‘Ndayi nuvuije bantu ba mu bisamba bionso bayidi. Nubalongeshe malu amvua munulongeshe, ne nubabatize.’ Pashishe wakabalaya ne: ‘Numanye ne: nengikale nenu misangu yonso.’
Matuku 40 panyima pa dibishibua dia Yezu ku lufu, wakamuenekela bayidi bende nkama ya bungi mu Galela ne mu Yelushalema. Wakabalongesha malu a mushinga, kuenzaye ne bishima bia bungi. Pashishe Yezu kupetanganaye ne bayidi bende bua musangu wa ndekelu ku Mukuna wa Olive. Yeye kubambila ne: ‘Kanumbuki mu Yelushalema to. Shalayi bindile tshivua Tatu mulaye.’
Bapostolo bende kabavua bumvue bimpe tshivuaye usua kuamba to. Bobu kumuebeja ne: ‘Mpindieu ke uudi ulua Mukalenge wa Isalele anyi?’ Yezu kubandamuna ne: ‘Tshikondo tshidi Yehowa mulongolole bua meme kulua Mukalenge ki ntshianji kufika to. Mu matuku makese emu nenupete bukole bua kudi nyuma muimpe, ne nenuikale bantemu banyi. Ndayi nuyishe mu Yelushalema, mu Yudaya, mu Samaleya, too ne miaba ya kule ya pa buloba.’
Pashishe Yezu kubanda muulu, ditutu kumubuikiladi. Bayidi bende bakashala batangile muulu, kadi yeye ukavua muye.
Bayidi kumbukabu ku Mukuna wa Olive, kuyabu mu Yelushalema. Bavua ne tshibidilu tshia kudisangisha mu nzubu wa kuulu bua kusambila. Bavua anu bindile bua Yezu abapeshe buludiki bukuabu bua kulonda.
“Nunku nebayishe lumu luimpe elu lua Bukalenge pa buloba bujima budi bantu basombele bua luikale bujadiki kudi bisamba bionso, ne pashishe, nshikidilu nealue.”—Matayi 24:14
Mona bikuabu:
YEZU UDI NJILA NE BULELELA NE MUOYO
Bantu nkama bakamumona kumpala kua Pentekoste
Panyima pa dibishibua dia Yezu ku lufu ne kumpala kua kuyaye mu diulu, wakaleja bayidi bende misangu ne misangu tshivuabu ne bua kupeta ne mushindu uvuabu ne bua kuenza natshi mudimu.
