Gáliliidi, Jesus éí ídahoołʼaahii yił ahíikai. Éí naanish ílíinii yeidiníʼą́: ‘Nihilááh, áłʼąą dineʼé ídahoołʼaahii danilı̨́įgo ádaahłeʼ, nihichʼįʼ hahásdzíiʼii yikʼeh dahółʼı̨́į doogo bee nidanohtin, áádóó baptize ádaahłeʼ. Béédaałniih, tʼáá aaníí nihił honishłǫ́ǫ doo.’

Náádiidzáádóó 40 yiską́ąjįʼ, Gálilii dóó Jerúsalemgi Jesus tʼóó ahayóí ídahoołʼaahii dabiiłtsą́. Naʼnitin ílíinii bee nazhneeztą́ą́ʼ dóó ayóó ádaatʼéii binááł ájiilaa. Dził Álivz bighą́ąʼgi Jesus éí daalʼaadii akéeʼdi bił ahináájiikai. Jesus ání: ‘Jerúsalem bitsʼą́ąjįʼ dah doohkááh lágo, ndi Azhéʼé eidiníʼánígíí bibaʼ ádanohtʼée doo.’

Baa yájíłtiʼígíí daalʼaadii doo yikʼidaʼdiitįįh da. Nidahódééłkid: ‘Kʼadísh Ízrel biNaatʼáanii nileeh?’ Jesus ání: ‘Jiihóvah yee nihoníʼánígíí Naatʼáanii deeshłeełígíí tʼahdoo baa hoolzhíish da. Níłchʼi diyinii nihikʼi hooleʼgo danihidziil doo. Áko Jerúsalem, Judíya, áádóó Samériyagi índa kéyah nidahoneesʼą́ą́góó nidahołneʼ doo.’

Jesus kʼos biyaa eeldohgo yótʼááh góde hatsʼą́ą́ʼ dah nídiidzá. Ídahoołʼaahii dego dazhdéézʼı̨́ı̨́ʼ, ndi doo yitʼı̨́į da silı̨́ı̨́ʼ.

Ídahoołʼaahii éí Dził Álivzdę́ę́ʼ Jerúsalemjįʼ nijikai. Tʼáá ahąąh wódah hazʼą́ą́ góneʼ sodizin biniyé ahíníjiikah. Jesus ninááhodinóotįįł bibaʼ ádajítʼé.