NSOLO 93
Yezu Abwerera Kudzulu
Yezu agumana atowereri ace ku Galileya. Iye aapasa basa yakufunika kakamwe mbaapanga: ‘Ndokoni, citani anyakupfundza kwa anthu a madzindza onsene. Apfundziseni pinthu pyonsene pidakupfundzisani ine, mbamuabatiza.’ Buluka penepo, iye aapanga: ‘Dziwani kuti ndiri na imwe ntsiku zonsene.’
Papita ntsiku 40 Yezu mbadamala kale kulamuswa muli akufa. Iye aonekera kuna anyakupfundzace azinji ku Galileya na ku Yerusalemu. Iye aapfundzisa pinthu pyakufunika kakamwe, pontho acita pirengo pizinji. Buluka penepo, aonekera kuna apostolo ace paulendo wakumalisa pa Phiri ya Milivera. Iye alonga: ‘Lekani kubuluka mu Yerusalemu. Pitirizani kudikhira pire pidapikira Baba.’
Apostolo ace nee abvesesa mwadidi pidalonga iye. Iwo akhanyerezera kuti Yezu mbadakhala Mambo wa Israeli mu ndzidzi unoyu. Yezu aapanga: ‘Uno nee ndi ndzidzi unafuna Yahova toera ndikhale Mambo. Imwe munadzatambira mphambvu ya nzimu wakucena, mbamudzakhala amboni anga. Ndokoni kamwaza mphangwa ku Yerusalemu, ku Yudeya, ku Samariya mpaka ku mbuto zakutali za dziko.’
Buluka penepo, Yezu atoma kukwira kudzulu, mbaphimbirwa na makole. Anyakupfundzace apitiriza kuyang’ana kudzulu, mbwenye nee akwanisa kumuona.
Anyakupfundza abuluka pa Phiri ya Milivera mbaenda ku Yerusalemu. Iwo akhagumanyikana mwakukhonda phonya m’kwartu yandzulu mbaphembera. Iwo akhadikhira Yezu toera aapase pitsogolero pyakuthimizirika.
‘Mphangwa zadidi za Umambo zinadzamwazwa pantsi ponsene, toera kupereka umboni kwa anthu a mitundu yonsene, buluka penepo, kumala kunadzafika.’—Mateo 24:14
Panango Munakomerwa Kudziwa Ipi
YEZU—NDI NJIRA, UNDIMOMWENE NA UMASO
Anthu Azinji Aona Yezu Mbidzati Kufika Ntsiku ya Pentekoste
Mbadzati kuenda kudzulu, Yezu apanga kazinji kene anyakupfundzace kuti anatambira nzimu wakucena, pontho anauphatisira tani.
