Qʼaxinaq chi 10 qʼij che Jesús tzalijinaq pa ri kaj. Tekʼuriʼ ri rajtijoxelabʼ ri Jesús xqaj ri uxlabʼixel pa kiwiʼ. Are ri Nimaqʼij re ri Pentecostés rech ri junabʼ 33, ri e winaq re kʼi lugares e opanaq pa Jerusalén rech kkiqʼaxej ri nimaqʼij. E 120 rajtijoxelabʼ Jesús kimulim kibʼ pa ukabʼ nivel re jun ja are taq, xaq kʼateʼ, xkʼulmataj jun mayibʼalalaj jastaq. Kjunamataj rukʼ jun qʼaqʼ xqaj pa kiwiʼ ri ajtijoxelabʼ, konojel xkimaj chʼawem pa jalajoj chʼabʼal. Xuqujeʼ, xtataj jun nimalaj kaqiqʼ pa ronojel ri ja.

Ri winaq che e petinaq pa nikʼaj chi tinamit e opanaq pa Jerusalén xkita ri tajin kkʼulmataj pa ri ja aninaq xebʼe che rilik. Sibʼalaj xkimayo are chiʼ xkito che ri ajtijoxelabʼ tajin kechʼaw pa nikʼaj chi chʼabʼal. Kkibʼij: «Ri e winaq riʼ ajGalilea, ¿jasche kekunik kechʼaw pa qachʼabʼal?».

Tekʼuriʼ, Pedro xuqujeʼ ri nikʼaj chik apóstoles xetakʼiʼ chkiwach konojel. Pedro xuqʼalajisaj chkiwach: «Ix xikamisaj Jesús, are kʼu  Jehová xukʼastajisaj. Kimik Jesús kʼo chi pa ri kaj pa uwikiqʼabʼ ri Dios. Xuqujeʼ xuya ri uxlabʼixel che xutzujuj kan chqe. Rumal laʼ xito xuqujeʼ xiwil ri e milagros riʼ».

Ri winaq sibʼalaj xkimayo. Ri utzij Pedro xopan pa kanimaʼ, rumal laʼ xkitoʼ: «¿Jas rajawaxik kqabʼano?». Pedro xubʼij chke: «Chitzalij iwibʼ che ri imak chibʼanaʼ ri iqasanjaʼ pa ubʼiʼ ri Jesús. Ix xuqujeʼ kiriq na ri sipanik ri uxlabʼixel». Weneʼ 3.000 winaq xkibʼan kiqasanjaʼ pa ri qʼij riʼ. Pa ri qʼij riʼ, xkimaj más ukʼiyik ri kajilabʼal ri ajtijoxelabʼ pa Jerusalén. Ri apóstoles xkibʼan más congregaciones rukʼ ri utobʼanik ri uxlabʼixel. Rukʼ waʼ xkimaj ukʼutik ri jastaq che Jesús xukʼut chkiwach e areʼ.