Tamë nety tuˈugë yetyëjk diˈib kyaj yoˈoy ets bom bom jam yˈuˈunyë templë tëjkˈagëˈëy parë tˈamdoyë limosnë. Tëgok, ta tˈijxy ko Pedro etsë Juan jyäˈttë mä ja templë ets ta tˈanmääy: “Tunë mayˈäjtën mmoogyëtsë limosnë”. Pedro ta yˈatsoowë: “Mbäät ti nmoˈoy diˈib mas oy ets kyaj dyuˈunëtyë meeny. Xyëëwgyëjxmë Jesus, ¡pëdëˈëk ets yoˈoyëˈëk!”. Ta netë Pedro twijtsëˈky, ta ja yetyëjk tyëjkë yeˈebyë. Monyˈijx monyjäˈäwëdë mayë jäˈäy ko tˈijxtë tyäˈädë miläägrë ets ta nimay tmëbëjktë.

Per ja saserdotëty ets ja fariseety jantsy jotˈambëjktë. Ta tmäjtstë ja apostëlëty ets ojts dyajnëjkxtë mä pënaty nyiwintsënˈäjttëbë relijyonk diˈib yajtijtë Sanedrín, ets ta dyajtëëwdë: “¿Pën të mmoˈoyëdë mëkˈäjtën parë të xyyaˈˈagëdäˈäktë tyäˈädë yetyëjk?”. Pedro ta yˈatsooy: “Yëˈëts të xymyoˈoytyë mëkˈäjtënë Jesukristë, ja yetyëjk diˈib mˈyaˈoˈktë”. Ta pënaty nyiwintsënˈäjttëbë relijyonk myëyaxkakëdë: “¡Këdii xynyekynyimaytyäˈäktë Jesus!”. Ja apostëlëty ta jyënandë: “Tsojkëbëts nimaytyäˈäktët. Kyajts nˈamonäˈändë”.

Ta tnasmäjtsëdë Pedro etsë Juan. Ta netyë ojts nyëjkxtë mä ja myëguˈuktëjk parë ttukmëtmaytyaktë ti nety të tyuny të jyatyëty. Ta niˈamukë tmënuˈkxtaktë Jyobaa: “Tunë mayˈäjtën, pudëjkëdëgëts parëts nˈittët amëk jotmëk ets duˈunyëm nimaytyäˈäktët”. Jyobaa ta myooyëdë espiritë santë parë duˈunyëm ojts yˈëwäˈkx kyäjpxwäˈkxtë ets dyaˈˈagëdaktë ja päˈäm jäˈäy. Ets mas niˈigyë ja jäˈäy tmëbëjktë Jesus. Ja saduseety mas niˈigyë ttukjotˈambëjktë ja apostëlëty ta tpëjtaktë pujxndëgoty. Per mä tadë koots, ta Jyobaa tkejxy tuˈugë anklës parë dyaˈˈawatsy ja pujxndëjkˈääw ets ta tˈanmääy ja apostëlëty: “Nëjkxtë jatëgok mä templë ets jam mgäjpxwäˈkxtët”.

Jakumbom, ta niduˈugë pujxndëjk kuentˈäjtpë ojts nyijkxy mä pënaty nyiwintsënˈäjttëbë relijyonk ets tˈanmääy: “¡Awiity japë pujxndëjk, per nipënëts jap të ngapäättë ja yetyëjk diˈib të xytsyumdë! ¡Tam jaˈa jyantsy kyäjpxwäˈkxtë mä ja templë!”. Ta jatëgok yajmäjtstë apostëlëty  ets ojts yajmënëjkxtë Sanedrín. Ja saserdotë wintsën, ta jyënany: “¡Të nˈanëëmëdë ko kyaj xynyekynyimaytyäˈäktëdë Jesus!”. Pedro ta yˈatsooy: “Tsojkëp nmëmëdoˈowëmë Dios extëmë anaˈambë ets kyaj dyuˈunëtyë naxwinyëdë jäˈäy”.

Ta pënaty nyiwintsënˈäjttëbë relijyonk jyantsy jotˈambëjktë axtë yaˈoogandë ja apostëlëty. Ta tuˈugë farisee diˈib xyëwˈäjtypy Gamaliel, tyënääyeˈky ets jyënany: “¡Këdii nëgoo wixaty mjënäˈändë! Waˈanë Dios yajpääty mëdë tyäˈädë yetyëjkëty. ¿Mjantsy tsyiptunandëp mëdë Dios?”. Ta tmastuttë ets dyaˈˈawäˈätspëtsëmdë, per jawyiin ojts twoptë ets tˈanmääytyë jatëgok ets kyaj nyekykyäjpxwäˈkxtët. Per kyaj yëˈë yajtuˈuˈadujkëdë ja apostëlëty. Duˈunyëm ojts kyäjpxwäˈkxtë amëk jotmëk mä ja templë ets tëjkmdëjkm.