Jesus haneʼ yáʼátʼéehii baa dahołneʼ doo nínę́ę bikʼehgo daalʼaadii ndahojisneʼ. 47 C.E. yihah góneʼ Paul dóó Bárnabas nahojilneʼ doo biniyé habrothers adahasʼaʼ. Tʼáá ájíłah nahojilneʼ ayóó bízhneedlı̨́, áko Asia Minor hazʼą́ą́jí Dérbii, Lístra, dóó Aikóniyam dahoolyéégóó nahojisneʼ.

Paul dóó Bárnabas tʼáá ałtso diné bił nahojisneʼ, daʼatʼínígíí dóó baa dahojoobáʼígíí, ániid nidaakaii dóó náás daazlı̨́įʼii. Ląʼí dineʼé tʼáá aaníigo Christ baa haneʼígíí dayoosdląąd. Sáípras binaatʼáanii Sérjiyas Pálas wolyéego bił hojilneʼ ńtʼééʼ, álílee naʼadloʼ yee nahałá léiʼ Paul dóó Bárnabas yichʼą́ą́h naaghá. Paul éí binaʼadloʼígíí ííłní: ‘Jiihóvah nikʼijįʼ nilı̨́.’ Tʼáá ákǫ́ǫ́ binaʼadloʼ yę́ę binááʼ ásdįįd. Sáípras binantʼaʼí díí yiyiiłtsą́ągo oosdląąd.

Paul dóó Bárnabas éí hooghan tahgóó, nidaʼiiniihgóó, atiingóó índa áłah nídaʼadleehgóó nahojisneʼ. Lístragi hastiin doo naagháa da léiʼ níjííłdzíiʼgo dabiinááł yę́ę diyin jílı̨́įgo haa tsídadeezkééz áádóó hachʼįʼ nidahałáago yaa nídiikai. Paul dóó Bárnabas éí dooda bijiní: ‘God tʼéí dadíínóhsin. Nihí éí tʼáá diné niidlı̨́.’ Jew dineʼé dahojoołáhígíí éí hanaagóó áłah nilínígíí hakʼijįʼ kódayiilaa. Áko áłah nilínę́ę tsé yee nídahoneesneʼ, áádóó dazhdootsaał biniyé kin dah shijaaʼ tłʼóóʼgóó chʼídahaazdzı̨́ı̨́z. Ndi Paul tʼáadoo dajiztsą́ą da! Habrothers háká ííjéeʼgo kin dah shijaaʼ góneʼ hoł yah anídaaskai. Tʼahádóó Paul éí Ántiyakgóó aníjoodzá.

49 C.E. yihah góneʼ Paul nahojilneʼ biniyé dah náázhdiidzá. Asia Minordi habrothers baa nazhneeztą́ąʼgo Europegóó  dashdiiyá. Éí Áthenz, Éfesas, Fílipai, Thesalonáíka dahoolyéégóó haneʼ yáʼátʼéehii baa nahojisneʼ. Sáílas, Luke dóó ániid naagháii Timothy éí Paul yił tádookai. Congregations hadabijiiswod dóó dabidziilgo ádajileʼ biniyé tázhdookai. Díí bikéédóó łaʼ nááhaidóó nááʼáłnííʼ Paul éí Kórinthgi habrothers bíká aníjílwoʼgo bidziil daazlı̨́ı̨́ʼ. Nahojilneʼ, nazhʼnitin áádóó congregations bichʼįʼ naaltsoos ádajileʼ. Níbaal álʼı̨́įgi ałdóʼ honaanish ajíłʼı̨́. Tʼahádóó Paul éí Ántiyakgóó aníjoodzá.

52 C.E. yihah góneʼ Paul éí táaʼdi nahojilneʼ doo biniyé dah náázhdiidzá, Asia Minordóó bee hahoolzhiizh. Náhookǫsdi Fílipai hoolyéedi ahééhjídzá áádóó Kórinth góyaa náájídzá. Éfesasgi nazhʼnitin áádóó bąąh dah nahazʼánígíí níjiiłdziih áádóó congregations bíká aníjílwoʼgo ląʼí nááhai. Tʼáá ákwii jı̨́ óltaʼgi Diyin Bizaad baa náhojilnih. Daʼíistsʼą́ʼígíí beʼiinaʼ łah átʼéego ádayiilaa. Kótʼéego ląʼí kéyahgóó haneʼ yáʼátʼéehii baa nahojisneʼ, áadi índa Jerúsalemgóó jiníyá.