Timotius ima roma babo ḇero sidang jemaat Listra. Kmari snon Yunani, ma snari bin Yahudi. Fyor ibaḇa kaker, awin ḇyedi Eunike ma apus ḇyedi Lois i, sufarkor Yahwe nyan Ḇyena faro i.

Ro marandan ḇesuru ḇyedi Paulus ryama ḇe Listra. Myam mboi Timotius iswar kaku naek srar ḇero sidang ḇyedi ma imarisen ifnoḇek si. Paulus dor Timotius i fa iso i ro marandan ḇyeja. Paulus fyarkor kako Timotius insama ḇyekir fa ḇyaryas ma fyarkor ankankinem ḇeḇye ya.

Rur ḇesren fyarkin Paulus ma Timotius su ro moḇ risai monda sura ro na. Ro roḇ oso, Paulus ismai fasasnai oso. Snon oso dor insama ryaḇe Makedonia fa ifnoḇek si. Inja Paulus, Timotius, Silas, ma Lukas skoramura ḇe diwa fa skoḇaryas ankankinem ḇeḇye ma skoḇawes sidang jemaat kako.

Ro mnu ḇeba Tesalonika ro Makedonia, snon ma bin sibor sḇe Kristen. Ḇape snonkaku Yahudi riḇeḇeso simewer kaku Paulus ma bati ḇyesya. Mura siryur snonkaku riḇeḇeso fa seoser, ramnai sun Paulus ma bati ḇyesya ḇe ḇebarara ro mnu ḇeba ani. Sawos naba ma sikofen, ’Snonkaku sine simewer faro pamarenta Romawi!’ Ro roḇ ya, Paulus ma Timotius sufrar subur ḇe Berea insama smun su ḇa.

Snonkaku ḇero Berea sya simarisen sfarkor ankankinem ḇeḇye ya. Inja snonkaku Yunani ma Yahudi ḇero diwa sya sḇe Kristen. Rofyor snonkaku Yahudi riḇeḇeso ro Tesalonika srama ssewar parkara, Paulus ryaḇe Athena. Imboi Timotius ma Silas suro Berea kaker insama susambraḇser naek Kristen ḇero diansya. Ḇarpur wer ido, Paulus ikofen ḇe Timotius i fa kyaḇer ḇe Tesalonika insama ifnoḇek snonkaku Kristen ḇesmai  wayam sya. Ramnai, ikofen ḇe Timotius i wer fa ryaḇe sidang ḇesena insama syambraḇser si.

Paulus ikofen ḇe Timotius i, ’Snonkaku ḇemarisen ḇefarmyan ḇe Yahwe I sya nari sifrur mnis si ḇa.’ Timotius ismai wayam ma sisun i ro bui snar kakyar ḇyedi. Imarisen snaro fyasnai isouser faro Yahwe I.

Paulus dawos ḇe snonkaku Filipi sya, ’Yor Timotius i fa ryamufa ḇe mko. Nari fyarkor mko rariso mkokenem pyum ḇe Yahwe manfamyan ḇyesya, ma nari fyarkor mko kako rariso mkofarmyan rai.’ Paulus ikyar kaku faro Timotius i. Suḇebatiyae ma sufararur kayam ro taun ḇe taun.