Timoteo yëˈë tuˈugë mixy diˈib tuun mä tuˈukmujkën diˈib Listra. Ja tyeety grieegë jäˈäy etsë tyääk judiyë. Tyääk txëwˈäjty Eunice, etsë nyanwelë, Loida. Yëˈë tukniˈˈijxëdë desde mutsknëm pënën Jyobaa.

Ko Pablo myëmajtskˈok ojts nyijkxy Listra ëwäˈkx käjpxwäˈkxpë, ta tˈijxy ko Timoteo jyantsy tsyojkypyë myëguˈuktëjk ets ko xëmë tpudëkëyaˈany. Päätyë Pablo twooyë Timoteo parë jyamyëdatëdët mäjaty nëjkx kyäjpxwäˈkxäˈäny. Ko tiempë nyajxy, ta Pablo ttukniˈˈijxë Timoteo parë oyë jäˈäy dyaˈëxpëkët ets parë tkäjpxwäˈkxëdë oybyë ayuk.

Pablo mëdë Timoteo, yëˈë tuˈumooyëdë Diosë myëjääw oy mä ojts nyëjkxtë. Mä tuˈugë koots, ta Pablo yajtukˈaˈijxnäjxy tuˈugë yetyëjk diˈib anmääyë ets nyaxët Macedonia parë tpudëkëdët. Päätyë Pablo, Timoteo, Silas etsë Lucas ojts nyëjkxtë jam käjpxwäˈkxpë ets dyajnaxkëdaktë kanäägë tuˈukmujkën.

Jam Tesalónica, nimayë yetyëjk etsë toxytyëjk ojts tpanëjkxtë Jesus. Per tamˈäjt näägë judiyë diˈib yˈaxëkˈijxtë Pablo ets ja myëguˈuktëjk. Pääty dyajtuˈukmujktë nimayë axëkjäˈäy ets yajpawits yajpajëdottët ja Pablo myëguˈuktëjk parë ojts yajmënëjkxtë mä ja yajkutujkpëty. Ja judiyëtëjk jyantsy yax jyantsy jyojktë: “¡Tyäˈädë yetyëjkëty yëˈë myëtsipë gobiernë diˈib Roma!”. Oˈkën jëjpˈamë netyë jyukyˈäjtën yajpäätyë Pablo mëdë Timoteo, pääty mä tadë koots kyaktë ets ojts nyëjkxtë Berea.

Ja jäˈäyëty diˈib Berea jyantsy myëdowandë Diosë yˈayuk ets mayë grieegë jäˈäy etsë judiyë jäˈäy tmëbëjktë. Per näägë judiyë diˈib tsoˈondë Tesalónica yajjamˈäjttë amay jotmay. Ta netë Pablo ojts nyijkxy Atenas. Timoteo etsë Silas jam ojts wyëˈëmdë Berea parë tmëjämoˈoytyët ja myëguˈuktëjk. Ko tiempë nyajxy, ta Pablo tkejxy jatëgokë Timoteo parë  nyëjkxët Tesalónica ets tpudëkët ja myëguˈuktëjk parë tmëmadäˈäktë ja jotmay ko yaˈˈaxëkˈixtë. Ok, ta Pablo tkejxyë Timoteo parë nëjkx tkuˈixë ets tmëjäämoˈoy kanäägë tuˈukmujkën.

Pablo ta tˈanmääyë Timoteo: “Pënaty myëdunandëbë Jyobaa yajpajëditandëp”. Timoteo kyuˈayoˈowë ja myëbëjkën ets yajtukutsuˈumë. Per jotkujk nyayjäˈäwë mët ko duˈunë nety mbäät dyajnigëxëˈëky ko kyaj tmastuˈudäˈänyë Jyobaa.

Pablo duˈun tˈanmääy ja myëguˈuktëjk diˈib Filipos: “Tam nduknigaxäˈändë Timoteo. Yëˈë mdukniˈˈixëyandëp ja nëˈë tuˈu diˈib tëyˈäjtën ets wiˈix mgäjpxwäˈkxtët”. Pablo tyukˈijxpajtë Timoteo. Kanäk jëmëjt tuˈugyë tmëduundë Dios ets jantsy oy nyaymyaayëdë.