Timothy éí ániid nijighá áádóó Lístra congregationgi ajítah. Hazhéʼé éí Gríik dineʼé nilı̨́, hamá éí Jew. Tʼáh awééʼ jílı̨́ı̨́dą́ą́ʼ hamá Yónis dóó hamá sání Lois éí Jiihóvah yee nahoneeztą́ą́ʼ.

Paul nahalneʼgo tádígháahgo, Lístragi níyá. Ákwii Timothy bibrothers ayóóʼáyóʼníigo yíká análwoʼgo baa ákozhniizı̨́ı̨́ʼ. Paul éí Timothy nahashneʼgóó shił tádíʼaash doo bizhdííniid. Kótʼéego Paul éí Timothy haneʼ yáʼátʼéehii nizhónígo yaa halneʼ índa yee naʼnitin dooleełgi bee nazhneeztą́ą́ʼ.

Paul dóó Timothy éí tádíʼaashgóó níłchʼi diyinii bił hólǫ́. Łah tłʼéeʼgo Paul hoł áhoodzaa. Hastiin léiʼ Masedóniyadi nihíká anilyeed hodííniid. Éí bikʼehgo Paul, Timothy, Sáílas dóó Luke ákǫ́ǫ́ jíkai. Áadi nidahojilneʼ dóó congregation hadabijiiswod.

Masedóniya bił hazʼą́ągi Thesalonáíka hoolyé, ákwii ląʼí hastóí dóó sáanii daʼoosdląąd. Ákondi Jew dineʼé éí Paul dóó yił naakaígíí yikʼee dadiniih. Diné áłah ádayiilaa áádóó hakʼijįʼ daazlı̨́įʼgo kin dah shijaaʼ binantʼaʼí yichʼįʼ hoł daaskai. Dadilwoshgo ádaaní: ‘Díí diné Rome binahatʼaʼ yikʼijįʼ danilı̨́!’ Paul dóó Timothy hweʼiinaʼ tʼáá baa hastiʼgo hoł hooʼaʼ, áko tłʼéeʼgo Beríyagóó azhnííchą́ą́ʼ.

Beríyadi Gríik dóó Jew dineʼé yídaneedlı̨́įgo haneʼ yáʼátʼéehii yídahoołʼą́ą́ʼ dóó daʼoosdląąd. Thesalonáíkadę́ę́ʼ Jew dineʼé łaʼ yíkaigo hadahoniiłchaad, Paul éí Athenzgóó dashdiiyá. Timothy dóó Sáílas éí habrothers bidziilgo ádazhdoolííł biniyé tʼáá Beríyagi jizké. Brothers yéigo atídabiʼdilʼı̨́, áko bíká azhdoolwoł  biniyé Paul éí Timothy Thesalonáíkagóó nídíídááł bizhdííniid. Náás hodeeshzhiizhgóó, Paul éí Timothy congregation hadaʼólní áyósin doo biniyé ákǫ́ǫ́ ajííłʼaʼ.

Paul éí Timothy ábijiní: ‘Jiihóvah bá naashʼaʼ doo danízinii atídabiʼdilʼı̨́į doo.’ Timothy éí beʼoodląʼ biniinaa atíbiʼdoolʼįįd dóó awáalya sidáá ńtʼééʼ. Jiihóvah yikééʼ sizı̨́įgi bééhózin íidoolííł éí yaa bił hózhǫ́ǫ́ ńtʼééʼ.

Paul éí Fílipai dineʼé ííłní: ‘Timothy nihichʼįʼ ííłʼaʼ. Éí diyin kʼehgo oodááł índa nidahołneʼ dooleełgi yee nanihidínóotįįł.’ Paul éí Timothy naanish łaʼ yidoolíiłgo yaʼólí. Ałkʼis jílı̨́įgo áádóó nahojilneʼgo ląʼí nááhai.