Yehova ua kulahesa via ku lutue ngueni: ‘Ka ku ka kala ku lila, ku vavala, mavezi ni ku-tsa. Nji ka hunda masozi ose ku meso avo. Kaha viuma viose via ku pihia via ku nima, va ka vi suva.’

Yehova ua hakele Andama na Eva mu citungu ca Endene linga va yoyelemo mu ciyulo na ndzolela. Va pandele ku lemesa lika Iseavo ua muilu na ku sulisa mavu na vana vavo. Vunoni va Andama na Eva va muesele lisino kuli Yehova, vutuhu ngoco vutumbe vueni ka vua alulukile. Mu livulu lino tu na lilongesa ngecize viose vie ku kulahesa Njambi vie ku lipuisamo. Vuangana vueni vu ka neha vivezikiso via vingi ha mavu, ngue mua kulahesele Avilahama.

Vuovuno Satana, vandemone veni na vantu vose va ku pihia va ka nonga. Kaha vose va ka kalako va ka lemesa lika Yehova. Ka tu ka vavala ni ku tsa. Vunoni matangua ose tu ka hinduka na ndzili yose, kaha tu kevua ndzolela ya ku kala na muono. Mavu a ka pua citungu.  Vantu vose va ka kala na via-ku-lia via cili na vindzivo via cili. Kaha vose va ka kala na ngozi, vikenia ka va ka kalako. Tusitu va mu musenge ka va ka tu vuila vuoma, netu ka tu ka va vuila vuoma.

Tu kevua ndzolela ya kama omo Yehova a ka sangula vatsi. Tu ka tambula vantu va ku laza ngeci mua, Avele, Noa, Avilahama, Sala, Mosesa, Lute, Estele na Ndaviti. Kaha tu ka pangela hamo navo mu ku alulula Mavu a ka pue citungu. Ntsimbu yose ku ka kala vipanga vie ku vuisa ndzolela ku vi linga.

Yehova a tonda nove u ka kaleko. Kaha u ka mu tantekeya mu vinjila ka ua singaniekele. Tu tualeleleho ku kolesa vusamba vuetu na Yehova matangua ose, vuovuno na ku miaka yose!