Jehová kiijtok: “Ayokmo aka chokas, yon mokuesos, yon mokokos uan ayokmo aka mikis. Nikinuachilis ininixayo. Ayokmo kiilnamikisej amo kuali tlamantli tlen kinpanok”.

Jehová kintlalik Adán uan Eva ipan xochimili Edén kampa itstoskiaj ika pakilistli uan ika tlaseuilistli. Monekiyaya kiueyichiuasej ininTata tlen itstok iluikak uan kinpiasej miakej ininkoneuaj, kiampa kitemitiskiaj Tlaltipaktli. Maske amo kineltokakej Jehová, ya amo kiilkajtok tlen mosentlalijtok kichiuas. Ipan ni amochtli tikitstokej toTeotsij nochipa kichiua tlen kiijtoua. ITlanauatijkayo kichiuas ma onka miak tlateochiualistli ipan Tlaltipaktli, uan kiampa kichiuas tlen kiiljuik Abraham.

Nechka kitsontlamiltisej Satanás, iajakauaj uan katli amo kualmej. Nochi maseualmej kiueyichiuasej Jehová. Ayokmo timokokosej, yon timikisej. Mojmostla timeuasej ika miak chikaualistli uan tiyolpakisej  pampa tiyoltokej. Nochi Tlaltipaktli mochiuas se xochimili. Nochi tijpiasej tlakualistli tlen ajuiyak uan se kuali kali. Amo itstosej katli mosisiniaj uan tetlaijiyouiltiaj, itstosej san katli kualmej. Kuatitlantlapialmej amo techmakasisej, yon tojuantij amo tikinmakasisej.

Tlauel tiyolpakisej kema Jehová kinyolkuis katli miktokej. Tikinselisej katli uejkajkia itstoyaj kej Abel, Noé, Abraham, Sara, Moisés, Rut, Ester uan David. Inijuantij techpaleuisej tijchiuasej ni Tlaltipaktli se xochimili. Nochipa uelis tijchiuasej miak tlamantli.

Jehová kineki xiitsto ipan Xochimili. Nopaya uelis tijyekosej tlauel miak tlamantli tlen toTeotsij. Yeka, ¡nochipa ma tijchiuakaj kampeka kuali timouikasej iuaya Jehová!