Jehovah nivolan̈a: ‘Tsy hisy eky tomoan̈y, tehotehoko, aretin̈y, ndreky fahafatesan̈a. Hifafako ranomaso jiaby amy masondro. Raha ratsy jiaby taloha in̈y tsy ho azo onon̈o eky.’

Tiany Jehovah ho sambatra ndreky hiadan̈a Adama ndreky Eva, ke napetrany tamy zaridain̈y Edena. Tiany iro hanompo izy ndreky hiteraka, baka tany jiaby feno olo. Ndray Adama ndreky Eva tsy nan̈araka volan̈a Jehovah, zen̈y tsy nampiova hevitry Jehovah. Hitantsika amy bokiny Apokalypsy ao fa zay raha volan̈iny Zan̈ahary tsy maintsy tanteraka fo. Maro raha tsara hataony Fanjakan̈anany io. Zen̈y volan̈anany taminy Abrahama in̈y.

Satana, iro demony aby io ndreky olo ratsy jiaby, haripaka Zan̈ahary. Efa tsy ho ela han̈anovany zen̈y. Olo manompo Jehovah fo ho tavela ambony tany eto. Atsika amy zen̈y tsy harary eky, tsy hofoaty eky. Isaka atsika mifoha maraindrain̈y hahaifatatra ndreky  sambatra fo. Tany jiaby hanjary paradisa. Tsisy olo tsisy tran̈o eky. Hanin̈y koa ho treka. Tsisy olo kafiry ndreky mamono olo eky amy zen̈y. Olo jiaby tsara fan̈ahy. Iro biby dỳ aby io tsy havozo atsika eky. Atsika koa tsy havozo iro.

Ho ravoravo mare koa atsika, fotony Jehovah hamelon̈o olo maty. Ho hitantsika amy zen̈y iro olony Zan̈ahary taloha tan̈y, an̈isanizen̈y Abela, Noa, Abrahama, Saraha, Mosesy, Rota, Estera ndreky Davida. Atsika amy zen̈y hiaraka amindro han̈ova tany ty paradisa. Maro asa tsara mbala hataontsika amy zen̈y.

Anao tiany Jehovah hipetraka amy Paradisa io. Maro raha ho hainao momba izy amy zen̈y. Atsika mila mikamarady amy Jehovah fo isanandra ndreky mandrakizay!