Kunanaksa Diosajj luräna ukanakat parlasaw Bibliajj qallti. Diosajj wali sumanakwa aka oraqensa alajjpachansa luräna. Jumajj wawanïsta ukhajja, Diosan musparkañ suma luratanakapatwa yatichañama. Jehová Diosajj animalanakat sipansa, jaqenakarojj parliri, amuytʼiri, kuns luriri, canttʼiri, orasiri ukham lurawayistu sasaw wawamar qhanañchañama. Ukhamarakiw Jehová Diosan yatiñapatsa, chʼamapatsa yatichañama. Qhawqsa Diosajj jiwasarusa luratanakaparusa munasi ukanak amuyañapatakiw wawamarojj yanaptʼañamaraki.