Majubul ma pes 1
Bibel i mbôdôl ni ñañ u bihégél bi nene, i ntinde bés i memle mam malam Yéhôva a bi hek isi ni i ngii. Ibale u yé ngwal, hôla man woñ i tehe kiki bihégél bi yé ngandak mintén, ni kiki bi yé bilam. Boñ le a yimbe le Djob a bi boñ le bôt ba binam ba lel binuga huum, a bi ti bés ngap i pot, i hek pék, i bañ gwom, i tôp tjémbi ni i soohe. Hôla man woñ i diihe lipémba li Yéhôva, ni pék yé, ndi téntén gwéha yé inyu bihégél gwé gwobisôna—yak ni gwéha yé inyu hiki wada wés.
MUNU PES INI
Djob a bi hek ngii ni hisi
Bibel i nkal le Djob a bi hek ngii ni hisi. Ndi baa inyu imbe añgel a bôk ndugi hek ilole a nhek mut nye ki nye, tole jam jo ki jo?
Djob a bi hek munlôm nu bisu ni muda nu bisu
Djob a bi hek munlôm nu bisu ni muda nu bisu, a bii bo i wom Éden. Ba bé le ba bot lihaa, ba yilha ki hisi paradis.