Na parjolo sahali disurat di Bibel, i ma taringot angka tompaan. Rimangi ma bagak ni angka tompaan ni Jahowa na di langit dohot na di tano on. Hamu angka natua-tua, urupi hamu ma gellengmuna mamboto ragam ni angka tompaan. Patorang ma songon dia Debata manompa jolma asing sian binatang. Boi do jolma mangkatai, marpingkir, mambahen rencana, marende, dohot martangiang. Urupi ma gellengmuna mamboto bisuk dohot huaso ni Jahowa, tarlumobi mamboto holongna tu sude tompaanna.