Sa kapinunan kan Bibliya, iinistorya diyan an paglalang sa pisikal na mga bagay—an magagayon na mga ginibo ni Jehova, sa langit asin sa daga. Kun saro kang magurang, tabangan an aki mo na maintindihan na makangangalas an mga linalang nin Diyos dahil dakulon iyan asin manlain-lain pang klase. Itukdo saiya na linalang nin Diyos an mga tawo na mas nakakalabing marhay sa mga hayop dahil tinawan niya sinda nin kakayahan na magtaram, magpaliwanag, mag-imbento, magkanta, saka mamibi. Tabangan an aki mo na magkaigwa nin hararom na pagpapahalaga sa kapangyarihan saka kadunungan ni Jehova, asin lalong-lalo na sa pagkamuot niya sa saiyang mga linalang—kaiba na an kada saro sa sato.