iKau ni iWasewase 1
E vakamacalataki ena imatai ni ivola ena iVolatabu na buli ni veika kece. Eda mai kila kina na totoka ni veika e bulia o Jiova mai lomalagi kei vuravura. Ke o itubutubu, vukei luvemu me kila na levu ni ka e bulia o Jiova. Vakamacalataka na sala eda uasivi ira kina na manumanu, ni buli keda na Kalou meda rawa ni vosa, vakatulewa, bulia na ka, lagasere qai masu. Uqeti luvemu me vakavinavinakataka na kaukaua kei na vuku i Jiova, vakauasivi na loloma e vakaraitaka ina ka kece e bulia, wili kina o keda yadua.
ENA IWASEWASE QO
WASE 1
Bulia na Kalou na Lomalagi kei na Vuravura
E kaya na iVolatabu ni bulia na Kalou na lomalagi kei na vuravura. Na cava e bulia kina e liu na Kalou e dua na agilosi qai muri na ka kece?
WASE 2
Buli na iMatai ni Tagane kei na Yalewa
E bulia na Kalou na imatai ni tagane kei na yalewa qai biuti rau ena were o Iteni. E vinakata me rau vakaluveni me rau vakatetea na parataisi e vuravura taucoko.
