Suʼttiajee tü Wiwüliakat, aashajaasü süchiki tü kasa nukumajakat Jeʼwaa chaa sirumatuʼu otta yaa saaʼu tü Mmakat. Kachonle pia, pükaaliinja naya kojutaiwa namüin tü nukumajakat Jeʼwaa. Püküja namüin anain maʼin wakumajia nutuma Jeʼwaa suulialeʼeya tü mürütkalüirua. Kanüishii waya, wayaawatüin saaʼu wanee kasa, wountuin wakumajüin wanee kasa, weeʼirajüin otta woʼuraajüin. Püma namüin kojutuinjachin Jeʼwaa namüin süka pülashin maʼin nia, kekiin maʼin nia, alin maʼin waya nüpüla otta süka kojutuin nümüin tü nukumajalakat.