La Biblia oñepyrũre omombeʼu mbaʼéichapa Ñandejára okrea vaʼekue yvága ha yvy ha heta mbaʼe oĩva pype. Ha opa umi mbaʼe ojapo vaʼekue iporãiterei. Oiméramo nde reguereko mitã, eipytyvõ chupekuéra omombaʼe hag̃ua Jehová kreasión. Emombeʼu chupekuéra Jehová ñandeapo hague diferentete umi animálgui. Ñande umáno ikatu ñañemongeta, ñapensa, japurahéi, ñañemboʼe ha ikatu avei ñainventa heta mbaʼe. Eipytyvõkena ne famíliape ohechakuaa hag̃ua Jehová ipoderóso ha iñaranduha, avei mbaʼeichaitépa ñanderayhu káda únope ha opaite mbaʼe haʼe okrea vaʼekue.