Homẹbibiọ Na Adà 1
Biblu bẹjẹeji po whenuho nudida tọn po bo basi zẹẹmẹ onú dagbedagbe he Jehovah dá to olọn mẹ podọ to aigba ji lẹ tọn na mí. Eyin mẹjitọ de wẹ a yin, gọalọna ovi towe nado mọ lehe nudida lẹ gbọnvona yede bosọ jiawu do sọ. Do lehe Jiwheyẹwhe dá gbẹtọvi lẹ to aliho de mẹ bọ yé yiaga taun hú kanlin lẹ do hia. Zinnudeji dọ e na mí nugopipe nado dọho, lẹnnupọn, de onú yọyọ lẹ tọn, jihàn bosọ hodẹ̀. Gọalọna ẹn nado wleawuna pinpẹn-nutọn-yinyọnẹn na huhlọn po nuyọnẹn Jehovah tọn po, podọ titengbe na owanyi he e tindo na nudida etọn lẹpo—ehe bẹ dopodopo mítọn hẹn.
TO ADÀ EHE MẸ
NUPINPLỌN 1
Jiwheyẹwhe Dá Olọn po Aigba Po
Biblu dọ dọ Jiwheyẹwhe dá olọn po aigba po. Naegbọn e do dá angẹli dopo jẹnukọnna nuhe pò lẹpo?
NUPINPLỌN 2
Jiwheyẹwhe Dá Sunnu Tintan po Yọnnu Tintan Po
Jiwheyẹwhe dá sunnu tintan po yọnnu tintan po bo ze yé do jipa Edẹni tọn mẹ. E jlo dọ yé ni ji ovi lẹ bo diọ aigba lọ pete zun paladisi de.
