Ang Biblia nagasugod paagi sa pagsaysay parte sa pagpanuga sang pisikal nga mga butang, nga nagapakita sa aton sang matahom nga mga hinimuan ni Jehova sa langit kag sa duta. Kon isa ikaw ka ginikanan, buligi ang imo bata nga manamian sa sarisari nga mga tinuga. Ipadaku sa iya nga gintuga sang Dios ang mga tawo nga mas maayo sa mga sapat, kay ginhatagan niya kita sing ikasarang nga maghambal, magpamensar, maghimo sing bag-o nga mga butang, magkanta, kag magpangamuyo. Buligi sia nga apresyahon pa gid ang gahom kag kaalam ni Jehova kag ilabi na ang iya pagpalangga sa tanan niya nga tinuga—lakip na ang kada isa sa aton.