Phau Vajlugkub xub piav txog thaum Vajtswv tsim ntuj tsim teb. Yehauvas tsim ib puas tsav yam saum nruab ntug thiab hauv ntiajteb zoo nkauj kawg li. Cov niam txiv, pab nej cov menyuam pom tias Vajtswv tsim nyias muaj nyias ib yam, nyias muaj nyias chaw txawb. Qhia tias Vajtswv tsim tau tibneeg zoo tshaj tej tsiaj txhu. Tibneeg txawj hais lus, txawj xav, txawj tsim ub tsim no, txawj hu nkauj, thiab txawj thov Vajtswv. Txhawb kom lawv ris Yehauvas txiaj ntsig vim Nws muaj hwjchim, kev txawj ntse, thiab kev hlub rau peb txhua leej txhua tus.