Omambo wokomeho wOrupa 1
Ombeibela i serekarera ohunga noviutwa mbi tu yenena okumuna, nu i tu raisira oviṋa oviwa Jehova mbya mema, eyuru nehi. Tji u novanatje, ve vatera okumuna omuano omuhimise oviṋa mu vya utwa. Raisa kutja Mukuru wa mema vi ovandu momuano mbwa panguka kovipuka. Eṱe tu yenena okuhungira, okuripurira koviṋa, okuungura oviṋa, okuimbura nokukumba. Ve vatera okuraisa ondangi komasa nounongo waJehova, nu tjinenenene orusuvero rwe koviutwa vye avihe na ku eṱe wina.
MORUPA NDWI
EHONGWA 1
Mukuru wa ungura eyuru nehi
Ombeibela i tja Mukuru ongwa ungura eyuru nehi. Posiya mo tjiwa kutja omuengeli uṋe ngwa ungurwa komurungu wovandu noviṋa avihe vyarwe?
EHONGWA 2
Mukuru wa ungura omurumendu nomukazendu omutenga
Mukuru wa ungura omurumendu nomukazendu omutenga ne ve twa motjikunino tjaEden. Eye aa vanga kutja ve kurisire mo ovanatje vawo nokuririsa ehi arihe oparadisa.
