Mangrugi ti Biblia iti salaysay maipapan iti panamarsua. Ipakitana dagiti napipintas a bambanag nga inaramid ni Jehova idiay langit ken ditoy daga. No maysaka a nagannak, tulongam ti anakmo a mangammo a nagadu ken nagduduma dagiti pinarsua ti Dios. Ilawlawagmo a pinarsua ti Dios ti tao a nangatngato ngem iti animal. Inikkannatayo iti abilidad nga agsao, agpanunot, agimbento, agkanta, ken agkararag. Tulongam tapno maawatanna ti pannakabalin ken sirib ni Jehova ken ti ayatna iti amin a pinarsuana, a pakairamanantayo.