Ikuigbe oghẹrẹ nọ Ọghẹnẹ ọ rọ ma eware Ebaibol na o ro muhọ, yọ onana u fiobọhọ kẹ omai riẹ kpahe eware iwoma nọ Ọghẹnẹ ọ ma, te enọ e rrọ obọ odhiwu gbe enọ e rrọ obọ otọakpọ obonẹ. Otẹrọnọ whẹ yọ ọsẹ hayo oni, fiobọhọ kẹ ọmọ ra riẹ kpahe eware igbunu sa-sa nọ Ọghẹnẹ ọ ma. Dhesẹ epanọ Ọghẹnẹ ọ rọ ma ahwo-akpọ wo ohẹriẹ no erao, keme ọ ma omai evaọ oghẹrẹ nọ ma sae rọ ta ẹme, roro, ru eware, suile, jẹ lẹ. Fiobọhọ kẹ ọmọ ra riẹ kpahe ogaga avọ areghẹ Jihova. Maero, fiobọhọ kẹe riẹ kpahe uyoyou nọ Jihova o wo kẹ emama riẹ kpobi​—makọ mai omomọvo.