Chyum Laika hpe hpan da ai lam hte nnan hpang ai. Sumsing lamu hte ginding aga hta nga ai arai yawng mayawng hpe Yehowa hpan da ai. Nang gaw kanu kawa rai yang, hpan da ai lam kaw nna mau hpa lam amyu myu hpe na a ma ni chye na hkra karum ya rit. Yehowa hpan da ai shinggyim masha gaw, dusat dumyeng ni hta na grau atsam nga ai hpe na a ma ni chye hkra tsun dan u. Masha gaw, ga shaga lu ai, sawn dinglik lu ai, arai ni hpe gin shalat lu ai, mahkawn hkawn lu ai, akyu hpyi lu ai. Yehowa a atsam, nyan hpaji hpe chyeju dum chye hkra sharin ya u. Laksan hku nna shi a tsawra myit hte hpan da ai anhte shinggyim masha ni hte nga manga a matu chyeju dum chye hkra karum ya u.