Li Santil Hu natiklaak rikʼin li xyobʼtesihom li Yos li naʼilmank ru, naxseeraqʼi li xchʼinaʼusal li xyobʼtesihom saʼ choxa ut saʼ Ruuchichʼochʼ. Wi wank aakokʼal, tenqʼahebʼ chi roxloqʼinkil li jalan jalanq chi yobʼtesihom. Kʼut chiruhebʼ naq li Jehobʼa kixkʼe xwankil li winq chiruhebʼ li xul, kixbʼaanu naq teʼaatinaq, teʼkʼoxlaq, teʼxyiibʼ li nekeʼraj, teʼbʼichanq ut teʼtijoq. Tenqʼahebʼ chi rilbʼal li xwankil ut li xnimal xnaʼlebʼ li Jehobʼa, joʼ ajwiʼ li xrahom chirix li xyobʼtesihom, joʼ laaʼo chiqajunqal.