Biblia ke yantika ti disolo ya lugangu; yo ke kangula beto meso sambu beto mona bima ya kitoko yina Yehowa salaka, na zulu mpi na ntoto. Kana nge kele kibuti, sadisa mwana na nge na kumona bima ya mutindu na mutindu yina kele na lugangu. Songa yandi mutindu Nzambi salaka bantu sambu bo luta kibeni bambisi; yandi pesaka beto mayele ya kutuba, ya kuyindula, ya kusala mambu, ya kuyimba, mpi ya kusamba. Kuma ti ntonda sambu na ngolo mpi mayele ya Yehowa mpi mingi-mingi sambu na zola na yandi sambu na bima yonso ya yandi me salaka, tanga mpi konso muntu na kati na beto.