Ondjokonona yOmbiibeli oya hovela neshito, tai tu hokololele oinima iwa oyo Jehova a shita, kutya nee oyoyo i li meulu ile okombada yedu. Ngeenge ou li omudali, kwafela okaana koye ka didilike oinima ikumwifi i lili noku lili oyo i li meshito. Popya nghee Kalunga a shita ovanhu va yooloka ko filufilu koinamwenyo, e va shita noukwatya wokudula okupopya, okudiladila, okunduluka oinima, okwiimba nosho yo okwiilikana. Ka kwafela ka kale ke udite ko kutya Jehova oku na eenghono nounongo nosho yo kutya oku hole eshito laye alishe, mwa kwatelwa keshe umwe womufye.