សេចក្ដីផ្ដើមផ្នែកទី១
កំណត់ហេតុក្នុងគម្ពីរចាប់ផ្ដើមដោយរៀបរាប់អំពីការបង្កើតផ្សេងៗ ដើម្បីធ្វើឲ្យយើងដឹងថាព្រះយេហូវ៉ាបានបង្កើតអ្វីៗដ៏ស្រស់ស្អាត ទាំងនៅស្ថានសួគ៌ទាំងនៅផែនដី។ ប្រសិនបើអ្នកជាឪពុកម្ដាយ សូមជួយកូនឲ្យចេះកត់សម្គាល់នូវភាពចម្រុះដ៏អស្ចារ្យក្នុងអ្វីៗដែលព្រះបានបង្កើត។ សូមជួយកូនឲ្យដឹងថា ព្រះយេហូវ៉ាបានបង្កើតមនុស្សឲ្យពិសេសជាងសត្វ ពីព្រោះលោកផ្ដល់ឲ្យមនុស្សមានសមត្ថភាពចេះនិយាយ វែកញែក ច្នៃប្រឌិត ច្រៀង និងអធិដ្ឋាន។ សូមជួយកូនឲ្យយល់ច្បាស់ថា ព្រះយេហូវ៉ាពោរពេញដោយឫទ្ធានុភាពនិងប្រាជ្ញា ហើយសំខាន់បំផុត លោកស្រឡាញ់អ្វីៗទាំងអស់ដែលលោកបានបង្កើត នោះក៏រួមបញ្ចូលយើងម្នាក់ៗដែរ។
ក្នុងផ្នែកនេះ
មេរៀនទី១
ព្រះបានបង្កើតមេឃនិងផែនដី
គម្ពីរចែងថាព្រះបានបង្កើតមេឃនិងផែនដី។ ហេតុអ្វីព្រះបានបង្កើតទេវតាមួយរូបដំបូង មុនលោកបង្កើតបុគ្គលឯទៀតនិងអ្វីៗទាំងអស់?
មេរៀនទី២
ព្រះបានបង្កើតបុរសនិងស្ត្រីដំបូង
ព្រះបានបង្កើតបុរសនិងស្ត្រីដំបូង ហើយឲ្យពួកគេរស់នៅក្នុងសួនអេដែន។ លោកចង់ឲ្យពួកគេបង្កើតក្រុមគ្រួសារ ហើយធ្វើឲ្យផែនដីទាំងមូលទៅជាសួនឧទ្យាន។